Za ŭciahvańnie ŭ zaniaćcie prastytucyjaj asudžana 17‑hadovaja žycharka Bresta.
Za ŭciahvańnie ŭ zaniaćcie prastytucyjaj asudžana 17‑hadovaja žycharka Bresta.
Jak paviedamili BiełaPAN u prakuratury Maskoŭskaha rajona Bresta, hetaja kryminalnaja sprava razhladałasia ŭ zakrytym sudovym pasiadžeńni ŭ sudzie Maskoŭskaha rajona.
Sud paličyŭ dakazanym, što 17‑hadovaja staršakłaśnica adnoj sa škoł Bresta sa śniežnia 2008 hoda pa sakavik 2009 hoda ŭciahnuła ŭ zaniaćcie prastytucyjaj dźviuch svaich znajomych — niepaŭnaletnich žycharak abłasnoha centra 1994 i 1993 hadoŭ naradžeńnia.
Za hety pieryjad adna ź ich atrymała za akazanyja sieksualnyja pasłuhi 830 tys. rubloŭ, druhaja — 770 tys. rubloŭ, sama zvodnica — 1 młn. 300 tys. rubloŭ.
Sud Maskoŭskaha rajona Bresta pryznaŭ jaje vinavataj va ŭčynieńni złačynstva, praduhledžanaha č. 2 art. 171 (vykarystańnie zaniaćcia prastytucyjaj abo stvareńnie ŭmoŭ dla zaniaćcia prastytucyjaj) i č. 2. art. 171‑1 (uciahvańnie ŭ zaniaćcie prastytucyjaj abo prymušeńnie da pradaŭžeńnia zaniaćcia prastytucyjaj) Kryminalnaha kodeksa. Joj naznačana pakarańnie ŭ vyhladzie siami hadoŭ pazbaŭleńnia voli z adterminoŭkaj vykanańnia pakarańnia na dva hady.
Asudžanaja z prablemnaj siam`i, jakaja znachodzicca na ŭliku ŭ milicyi. Pryhavor jašče nie ŭvajšoŭ u siłu i moža być abskardžany va ŭstanoŭlenym zakonam paradku.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary