За ўцягванне ў заняцце прастытуцыяй асуджана 17‑гадовая жыхарка Брэста.
За ўцягванне ў заняцце прастытуцыяй асуджана 17‑гадовая жыхарка Брэста.
Як паведамілі БелаПАН у пракуратуры Маскоўскага раёна Брэста, гэтая крымінальная справа разглядалася ў закрытым судовым пасяджэнні ў судзе Маскоўскага раёна.
Суд палічыў даказаным, што 17‑гадовая старшакласніца адной са школ Брэста са снежня 2008 года па сакавік 2009 года ўцягнула ў заняцце прастытуцыяй дзвюх сваіх знаёмых — непаўналетніх жыхарак абласнога цэнтра 1994 і 1993 гадоў нараджэння.
За гэты перыяд адна з іх атрымала за аказаныя сексуальныя паслугі 830 тыс. рублёў, другая — 770 тыс. рублёў, сама зводніца — 1 млн. 300 тыс. рублёў.
Суд Маскоўскага раёна Брэста прызнаў яе вінаватай ва ўчыненні злачынства, прадугледжанага ч. 2 арт. 171 (выкарыстанне заняцця прастытуцыяй або стварэнне ўмоў для заняцця прастытуцыяй) і ч. 2. арт. 171‑1 (уцягванне ў заняцце прастытуцыяй або прымушэнне да прадаўжэння заняцця прастытуцыяй) Крымінальнага кодэкса. Ёй назначана пакаранне ў выглядзе сямі гадоў пазбаўлення волі з адтэрміноўкай выканання пакарання на два гады.
Асуджаная з праблемнай сям`і, якая знаходзіцца на ўліку ў міліцыі. Прыгавор яшчэ не ўвайшоў у сілу і можа быць абскарджаны ва ўстаноўленым законам парадку.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай43
Каментары