Vyjšaŭ pierakidny, na 2010 hod, kalandar, całkam pryśviečany Hrunvaldskaj bitvie.
Nasoŭvajecca 2010 hod, a ź im i vybitny jubilej: u nastupnym hodzie biełarusy, palaki, litoŭcy, ukraincy i niemcy buduć śviatkavać 600-hodździe słavutaj bitvy pad Hrunvaldam. Da hetaj nahody ŭ Minsku vyjšaŭ nastolny kalandar «600 hod pieramohi pad Hrunvaldam», jaki całkam pryśviečany vialikaj siečy pry Zialonaj Dubrovie, ci prosta pad Dubroŭnam (a mienavita tak pierakładajecca nazva viekapomnaj vioski na biełaruskuju).
Układalnik Aleś Dudar azdobiŭ kožny miesiac kalendara repradukcyjami karcinaŭ biełaruskich i polskich mastakoŭ, a taksama staražytnymi litahrafijami i malunkamiz vyjavami kniazioŭ i zamkaŭ VKŁ. Usie vyjavy źnitavała adna tema — słaŭnaja pieramoha našych prodkaŭ nad Teŭtonskim ordenam 15 lipienia 1410 hoda.
U dadatak: dla tych, chto nie čytaŭ historyka Jermałoviča, i piśmieńnikaŭ-papularyzataraŭ bitvy Kastusia Tarasava dy Vitaŭta Čaropku, kalandar zrobicca krynicaj karysnaj infarmacyi. Tut — teksty, pryśviečanyja historyi ŭźniknieńnia Teŭtonskaha ordena, vojnam VKŁ z kryžakami i ŭłasna vynikam Hrunvaldskaj bitvy. Kalandar «600 hod pieramohi pad Hrunvaldam» — heta jašče i svojeasablivy daviednik, u jakim jość śpis biełaruskich charuhvaŭ, apisańnie napadu niemcaŭ na Vaŭkavysk na Vierbnuju niadzielu i sproby teŭtoncaŭ ździejśnić zabojstva vialikaha kniazia Vitaŭta i da taho padbonaja infarmacyja.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju3
Kamientary