Ministr abarony Ukrainy: Stratehičnaja meta Kijeva — viartańnie Kryma
Novaja zbroja z ZŠA dapamoža Ukrainie viarnuć usie terytoryi, akupavanyja Rasijaj, zajaviŭ telekanału CNN ukrainski ministr abarony Alaksiej Reźnikaŭ. Pavodle jaho słoŭ, viartańnie Kryma — heta stratehičnaja meta Kijeva.
Novaja zbroja z ZŠA dapamoža ŭkrainskaj armii viarnuć usie terytoryi, akupavanyja Rasijaj, u tym liku Danbas i Krym, zajaviŭ u intervju amierykanskaj telekampanii CNN 16 červienia ministr abarony Ukrainy Alaksiej Reźnikaŭ.
«My vyzvalim usie našy terytoryi, usio, uklučajučy Krym. Krym — heta stratehičnaja meta Kijeva, tamu što heta ŭkrainskaja terytoryja», — padkreśliŭ Reźnikaŭ.
Ministr adznačyŭ, što na pieršym etapie nieabchodna stabilizavać situacyju, kab praduchilić dalejšyja straty ŭ bajach z rasijanami. Dalej u płanach — adkinuć rasijskija vojski na pazicyi, jakija jany zajmali da pačatku ŭvarvańnia va Ukrainu 24 lutaha. A na trecim etapie Ukraina abmiarkuje z partniorami, jak budzie adbyvacca vyzvaleńnie terytoryj, uklučajučy Krym, rastłumačyŭ Reźnikaŭ.
Na pytańnie CNN, ci nie pryviadzie sproba Ukrainy vajennym šlacham adnavić kantrol nad Krymam da pravakavańnia Rasii, jakaja ličyć hety rehijon svajoj terytoryjaj, Reźnikaŭ adkazaŭ:
«Heta niavažna. Tamu što jany (rasijanie) ubačać heta ŭ Chiersonie, ubačać u Zaparožžy, ubačać u Maryupali. Heta ŭkrainskija ziemli i Krym — taksama, niahledziačy ni na što».
Raniej prezident Ukrainy Uładzimir Zialenski kazaŭ, što Kijeŭ budzie viartać Krym dypłamatyčnym šlacham, kali skončycca vajna. Tady ž Maskvie, pavodle jaho słoŭ, pryjdziecca vypłacić Kijevu reparacyj i ŭdzielničać u adnaŭleńni Ukrainy.
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary