New York Times: Kožny dziasiaty vykarystany Rasijaj va Ukrainie bojeprypas zabaronieny kanviencyjami
Žurnalisty New York Times vyvučyli bolš za tysiaču fatahrafij z Ukrainy, identyfikavaŭšy na ich bolš za 2000 bojeprypasaŭ i ich frahmientaŭ. Siarod ich 210 byli zabaronienyja mižnarodnymi damovami.
U asnoŭnym niekanviencyjnaja zbroja — heta kasietnyja bojeprypasy, jakija mohuć stvarać surjoznuju niebiaśpieku dla cyvilnaha nasielnictva dziasiatki hadoŭ. Kasietnyja bojeprypasy naładavanyja mnostvam drobnych bajavych elemientaŭ, jakija raskidajucca na zadadzienaj vyšyni. Jany dazvalajuć paražać bolšuju płošču, čym heta robiać zvyčajnyja bojeprypasy.
Vydańnie pry hetym adznačaje, što z-za abmiežavanaści vizualnaj infarmacyi z Ukrainy hetyja padliki źjaŭlajucca navat zanižanymi.
«Heta pralivaje śviatło na toje, jak Rasija razhladaje Ukrainu. I jak Rasija hladzić na vierahodnaść taho, što jaje pryciahnuć da adkaznaści za svaje dziejańni. Heta śviedčyć pra toje, nakolki rasijski ŭrad biespakarana dziejničaje na mnohich frantach», — prakamientavaŭ vydańniu vyniki daśledavańnia Pjer-Ryčard Prasper, jaki byŭ pasłom ZŠA ŭ pytańniach vajskovych złačynstvaŭ u časy prezidenta Džordža Buša.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary