Pamiž Rasijaj i Kazachstanam handlovaja vajna: RF abmiežavała pastaŭki kazachstanskaj nafty, Kazachstan zabłakavaŭ rasijski vuhal
Pamiž Rasijaj i Kazachstanam razhortvajecca sapraŭdnaja handlovaja vajna. U niadzielu spačatku Rasija abmiežavała pastaŭki nafty z Kazachstana praz port u Navarasijsku, a paśla Kazachstan prypyniŭ tranzit rasijskaha vuhalu.
Spačatku Rasija abmiežavała pastaŭki nafty z Kazachstana praz port u Navarasijsku. Heta asnoŭny maršrut dla transpartavańnia kazachstanskaj nafty ŭ Jeŭropu. Aficyjnaj pryčynaj abmiežavanaj adhruzki stali nibyta znojdzienyja tarpiedy i miny časoŭ Druhoj suśvietnaj vajny ŭ akvatoryi pobač z terminałam, dzie zakančvajecca naftapravod z Kazachstana. Raboty pa raźminiravańni, jakija mohuć praciahnucca da kanca miesiaca, pryznačanyja na 20 červienia.
Paśla hetaha stała viadoma, što Kazachstan prypyniŭ tranzit rasijskaha vuhalu. Tak, ułady Kazachstana zabłakavali na svajoj terytoryi 1700 vahonaŭ, hružanyja vuhalem.
Adznačajecca, što Kazachstan admoviŭ Rasii ŭ tranzicie vuhalu paśla ŭviadzieńnia vuhalnaha embarha Jeŭrasajuza. Rašeńnie ES pavinna ŭstupić u siłu sa žniŭnia hetaha hoda, ale susiedzi Rasii vyrašyli ŭvieści zabaronu zahadzia.
Usio heta adbyvajecca na fonie šerahu rezkich zajaŭ prezidenta Kazachstana Kasym-Žamarta Takajeva ŭ ramkach ekanamičnaha forumu u Sankt-Pieciarburhu. 17 červienia padčas siesii z Uładzimiram Pucinym Takajeŭ publična zajaviŭ sa sceny forumu pra niedapuščalnaść pryznańnia jaho krainaj «DNR/ŁNR».
Taksama Takajeŭ admoviŭsia ad rasijskaha ordena Alaksandra Nieŭskaha, jakim jaho płanavali ŭznaharodzić na tym ža forumie.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary