Namieśnik kiraŭnika Rady biaśpieki Rasii ličyć, što adnosiny ZŠA znachodziacca ŭ nuli pa Kielvinie.
Pra heta eks-premjer i eks-prezident Rasii Dźmitryj Miadźviedzieŭ zajaviŭ, adkazvajučy na pytańnie pra nieabchodnaść praciahnieńnia dahavora z ZŠA ab stratehičnych nastupalnych uzbrajeńniach (SNU-3).
«Jak čałaviek, jaki mieŭ pramoje dačynieńnie da SNU-3 i padpisaŭ jaho ŭ 2010 hodzie, liču čas dla novych pieramovaŭ samym niepadychodziačym», — adkazaŭ Miadźviedzieŭ.
«Niama ŭ nas ciapier nijakich adnosin z ZŠA. Jany ŭ kropcy nula pa Kielvinie. I razmarožvać ich nie treba. I pieramovy ź imi pakul vieści nie treba. Heta škodna dla Rasii. Chaj sami prybiahuć abo prypaŭzuć i paprosiać pra heta. I ceniać heta jak asablivuju łasku. A inakš heta vyhladaje tak: jany nam — sucelnyja miarzoty, a my im — nacie, kali łaska, jadziernuju ździełku.
Niepraduktyŭna, niebiaśpiečna i hladzicca jak prajava słabaści. Chaj aceniać taki dyjałoh pa-sapraŭdnamu i prosiać pra jaho na ŭsich vulicach i ŭ padvarotniach».
«Darečy, bo jość i inšy pravierany mietad znosin z Amierykaj pa hetaj temie — čaravikom pa trybunie AAN. Kaliści pracavała!» — dadaŭ jon.
Kamientary