Bolš za pałovu rasijskaj moładzi nie zmahli nazvać datu pačatku «Vialikaj Ajčynnaj vajny»
Datu pačatku «Vialikaj Ajčynnaj vajny» viedajuć tolki 48% rasijan va ŭzroście ad 18 da 34 hadoŭ. Heta vynikaje z apytańnia Usierasijskaha centra vyvučeńnia hramadskaj dumki (VCIOM), prymierkavanaha da 81-j hadaviny pačatku niamiecka-savieckaj vajny 1941—1945 hadoŭ.
Siarod ludziej va ŭzroście ad 35 da 44 hadoŭ na hetaje pytańnie pravilna adkazvajuć 68%, ad 45 da 59 hadoŭ — 85%. Čaściej za ŭsich (88%) dakładnuju datu — 22 červienia 1941 hoda — nazyvajuć respandenty ad 60 hadoŭ.
U cełym pravilny adkaz dali 73% udzielnikaŭ apytańnia, niapravilnuju datu nazvali 17% rasiejcaŭ, jašče 5% pryznalisia, što nie viedajuć, kali pačałasia «Vialikaja Ajčynnaja vajna», stolki ž apytanych nie patrapili niešta adkazać.
Bolšaść respandentaŭ (88%) na praciahu apošniaha hoda hladzieli filmy pra «Vialikuju Ajčynnuju vajnu», 41% čytaŭ knihi pra jaje, 21% naviedvaŭ sustrečy ź vieteranami, a bolš za pałovu (51%) — miescy bajavoj słavy, muziei i miemaryjały. Na miescach pachavańnia zahinułych vajskoŭcaŭ za apošni hod pabyvali 44% apytanych.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia35
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary