Rynak novych aŭtamabilaŭ abvaliŭsia ŭ piać razoŭ. Čaścioj za ŭsio biełarusy kuplali Geely
Biełaruskaja aŭtamabilnaja asacyjacyja padviała vyniki prodažaŭ novych aŭtamabilaŭ u lipieni. Aficyjny rynak praciahnuŭ padzieńnie. Aŭtadylery pradali ŭsiaho 837 novych aŭtamabilaŭ (694 lehkavych i 143 lohkich kamiercyjnych). Heta amal u 5 razoŭ nižej za ŭzrovień lipienia minułaha hoda, piša abw.by.
U paraŭnańni z papiarednim miesiacam, kali było pradadziena bolš za 1 100 lehkavych aŭtamabilaŭ, rynak upaŭ bolš čym u paŭtara raza. Adnak vynik apynuŭsia ŭsio ž vyšej, čym u krasaviku-traŭni.
«Dynamika rynku ciapier u pieršuju čarhu vyznačajecca dastupnaściu aŭtamabilaŭ i chutkaściu rasprodažu składoŭ, jak u lipieni, tak i ŭ papiarednija miesiacy.
Aktyvizacyja prodažaŭ Geely, jakaja pačałasia ŭ červieni, dazvoliła pieradać klijentam 290 aŭtamabilaŭ (pieršaje miesca na rynku), ale dastupnyja składy mocna skaracilisia. Tamu lidarami siarod madelaŭ pa prodažach pradkazalna stali Geely Atlas Pro (140 štuk) i Geely Coolray (130 štuk).
U struktury rynku pa kłasach pieravažali madeli SUV (sumarna pradadziena 577 krasovieraŭ), u toj čas jak u raniej najbolš papularnym kłasie B pradadziena ŭsiaho 70 aŭtamabilaŭ. Asnoŭnaja pryčyna hetaha — u prypynieńni pracy zboračnych pradpryjemstvaŭ u Rasii», — havorycca ŭ spravazdačy asacyjacyi.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary