Biełaruskaja tenisistka Viktoryja Azaranka adchilenaja ad udziełu ŭ dabračynnym turniry «Tenis za mir» u US Open, nakiravanaha na zbor srodkaŭ dla Ukrainy. Pra heta paviedamiła ahienctva Reuters sa spasyłkaj na arhanizataraŭ mierapryjemstva.
Azaranka pavinna była dałučycca da takich hulcoŭ, jak Rafael Nadal, Koka Haŭf, Džon Makinroj, Karłas Alkaras i Iha Śvientak na mierapryjemstvie, prymierkavanym da śviatkavańnia Dnia niezaležnaści Ukrainy. Adnak šerah hulcoŭ z Ukrainy vystupili suprać jaje prysutnaści.
«U apošnija 24 hadziny, paśla ŭvažlivaha razhladu i dyjałohu z usimi zacikaŭlenymi bakami, Viktoryja Azaranka nie budzie ŭdzielničać u našym turniry «Tenis za mir» siońnia ŭviečary, — havorycca ŭ zajavie Asacyjacyi tenisa ZŠA (USTA). —
Vika — mocny hulec-lidar, i my vysoka cenim jaje žadańnie pryniać udzieł. Uličvajučy adčuvalnaść dla ŭkrainskich hulcoŭ i kanflikt, jaki praciahvajecca, my ličym, što heta pravilnaje rašeńnie».
Ukrainka Marta Kaściuk, jakaja zajmaje 70-je miesca ŭ śviecie, niadaŭna zajaviła, što admoviłasia ad mahčymaści zhulać u turniry ŭ sieradu ŭ znak pratestu suprać prysutnaści Azaranki.
«Kali my daviedalisia, što na hetym turniry buduć pradstaŭniki Rasii ci Biełarusi, ja adrazu skazała, što nie budu ŭ im udzielničać», — skazała 20-hadovaja spartoŭka žurnalistam.
Niahledziačy na zabaronu na ŭdzieł va Uimbłdonie paśla ŭvarvańnia va Ukrainu, hulcy z Rasii i Biełarusi byli dapuščanyja da ŭdziełu ŭ Adkrytym čempijanacie ZŠA, jaki startuje ŭ paniadziełak. Adnak im zabaroniena vystupać pad ściaham svaich krain.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary