Redaktarka biełaruskaha chryścijanskaha partału «Carkva» — pra značeńnie žestaŭ Patryjarcha Maskoŭskaha ŭ časie vizitu ŭ Biełaruś.
Redaktarka biełaruskaha chryścijanskaha partału «Carkva» — pra značeńnie žestaŭ Patryjarcha Maskoŭskaha ŭ časie vizitu ŭ Biełaruś.
«Naša Niva»: Jak pravasłaŭnyja našaj krainy aceńvajuć pieršy vizit Patryjarcha ŭ Biełaruś?
Natalla Vasilevič: Pakazalna ŭžo toje, što ŭ čas minułaha vizitu Patryjarcha Aleksija II zału Pałacu respubliki zapoŭnić tak i nie ŭdałosia. Ciapier ža volnaha miesca nie było. Novy Patryjarch! I nie prosta novy, a maje vobraz refarmatara.
«NN»: Mnohich urazili cytaty z kłasikaŭ biełaruskaj kultury — Kołasa, Bahdanoviča, Bykava — z vusnaŭ Patryjarcha.
NV: Cytavańnie kłasikaŭ Biełarusi było nieabchodnaje, kab stvaryć uražańnie abaznanaści patryjarcha, pryznańnia im faktu isnavańnia ŭłasna biełaruskaj kultury. Pierad hetym jon zajaviŭ, što Biełaruś nijaki nie šluz pamiž Zachadam i Ŭschodam. Choć toj ža Kołas vielmi dakładna apisaŭ hety padzieł, źvinavaciŭšy carkvu i kaścioł u metanakiravanym stvareńni hetaj prorvy. Nie abyšłosia, praŭda, biez pamyłki: Skarynu nazvaŭ SkOrynaj.
«NN»: Niečakanaj była i zhadka pra Kurapaty…
NV: U pytańniach stalinskich represij, hanieńniaŭ na carkvu za Chruščovym patryjarch vielmi pryncypovy. Jon nie moh nie viedać staŭleńnie ŭładaŭ Biełarusi da Kurapataŭ i tym nie mienš zhadaŭ pra ich. Tut važna adznačyć, dzie prahučali hetyja słovy. My zvykli da taho, što Łukašenka na Vialikdzień, ci Rastvo pryjazdžaje ŭ Kafiedralny sabor i pramaŭlaje ź miesca jepiskapa. Časam jon kaža rečy zusim nieprymalnyja dla carkvy. Kirył kazaŭ pra Kurapaty z trybuny ŭ Pałacy respubliki, adkul da biełaruskaha narodu źviartajecca Łukašenka. I heta taki svojeasablivy revanš za słovy ź miesca jepiskapa.
-
Nasta Rahatko raskazała pra «tupyja ŭstanoŭki», ad jakich joj pryjšłosia admovicca pry prodažy svajoj knihi
-
«Ździełka zhareła». Aŭtar knihi «Aŭtarytaryzm pad pahrozaj» pieraličyŭ padstavy dla aptymizmu nakont budučyni Biełarusi
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary