Kampanija OZ u honar svajho 23-hodździa padrychtavała ŭ Minsku hihancki tort z bolš čym 100 jadomych knih. Knihi — mienavita tyja, jakija lubiać čytać biełarusy, — ad «Hary Potera» i «Hulni tronaŭ» da «Dzikaha palavańnia karala Stacha» Uładzimira Karatkieviča i «Radziva «Prudok» Andrusia Horvata.
Tort składajecca z bolš čym 100 knih, jakija čaściej za ŭsio vybirajuć biełarusy. Ahulnaja vaha desiertu pieravyšaje 150 kh.
Heta adzin z samych bujnych i składanych tartoŭ, kali-niebudź pryhatavanych u Biełarusi.
«Jadomyja vokładki atrymali samyja papularnyja knihi — tyja, što lubiać čytać biełarusy. Heta kłasika, sučasnyja ramany, dziciačaja litaratura, fantastyka i fentezi, navukova-papularnaja litaratura, bijahrafii, historyi pośpiechu i inš. Atrymałasia simvalična, bo OZ startavaŭ 23 hady tamu z sotni knih. Zaraz naša sietka pašyryłasia i ŭklučaje bolš za 150 tys. vidaŭ tavaraŭ — ad kancylaryi da kaśmietyki, ale knižny kirunak pa-raniejšamu ŭvachodzić u lik klučavych. I «knižny» tort heta vydatna padkreślivaje», — rastłumačyli ideju ŭ OZ.
Na torcie lohka adhadvajucca suśvietnyja bestselery: «Uładar piarścionkaŭ», «Hary Poter», «Vydma», «Chroniki Narnii» i «Hulnia tronaŭ». Pobač upryhožanaja kremam «Boskaja kamiedyja» Dante Alihjery, «Partret Daryjana Hreja» Oskara Uajlda i «Vialiki Hetśbi» Skota Ficdžeralda.
Z ruskaj kłasiki kulinary vyjavili «Kapitanskuju dačku» Alaksandra Puškina, «Baćkoŭ i dziaciej» Ivana Turhienieva, «Hora ad rozumu» Alaksandra Hrybajedava i «Višniovy sad» Antona Čechava. Biełaruskich tvoraŭ na torcie taksama šmat: «Ludzi na bałocie» Ivana Mieleža, «Dzikaje palavańnie karala Stacha» Uładzimira Karatkieviča, «Alpijskaja bałada» Vasila Bykava i «Radziva «Prudok» Andrusia Horvata.
Jadomuju vokładku atrymaŭ i łacinaamierykanski šedeŭr — «Sto hadoŭ adzinoty» Habryela Markiesa. Sučasnuju litaraturu pradstaŭlajuć «Druhoje žyćcio Uve» Fredryka Bakmana i «451 hradus pa Farenhiejtu» Reja Bredbiery.
Ź biskvita «nadrukavali» i niemastackuju litaraturu. Sałodki paślasmak nadali bijahrafii Styva Džobsa, Bukvaru i «Tonkamu mastactvu pafihizmu».
Nie zabytyja taksama knihi pa psichałohii i samaraźvićciu — popyt na ich stabilna vysoki. «Tort sta knih» pradstavili ŭ kramie OZ na Pieramožcaŭ, 3. Paśla prezientacyi jaho padzialili na kavałački i razdali naviedvalnikam. Redki vypadak, kali knihaluby zmahli pasprabavać na smak lubimyja tvory.
Kamientary
ale zaŭsiody vieryła, što knihi - heta śviatoje. nivodnaj pamietki nikoli nie rabiła navat karandašom, navat u padručniku