Hadavaja inflacyja ŭ vieraśni akazałasia na ŭzroŭni 17,4%, paviedamlaje Nacyjanalny statystyčny kamitet. U žniŭni hety pakazčyk byŭ vyšejšy — 17,9%.
Pavodle padlikaŭ Biełstata, indeks spažyvieckich cen na tavary i pasłuhi ŭ vieraśni ŭ paraŭnańni sa žniŭniem skłaŭ 100,9%, sa śniežniem minułaha hoda — 114,8%.
Što tyčycca cen na charčovyja tavary, to hadavaja inflacyja tut akazałasia 18,3%, na niecharčovyja — 20,3%, a ŭ śfiery pasłuh — 11,9%. U paraŭnańni sa žniŭniem, ceny na charčovyja tavary pavialičylisia na 1,5%, u tym liku na harodninu — na 19,5%, a na sadavinu — na 8,8%. U toj ža čas ryba patańnieła na 0,7%.
Niecharčovyja tavary za miesiac padaraželi na 0,5%, bolš za ŭsio — parfumieryja i kaśmietyka, jakaja dadała 3%. Pasłuhi dabavili ŭ siarednim 0,2%, bolš za ŭsio ŭ adukacyi — 7,7%.
Svajho piku hadavaja inflacyja dasiahnuła ŭ lipieni, uziaŭšy adznaku 18,1%, u červieni jana była 17,6%.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary