Гадавая інфляцыя ў верасні аказалася на ўзроўні 17,4%, паведамляе Нацыянальны статыстычны камітэт. У жніўні гэты паказчык быў вышэйшы — 17,9%.
Паводле падлікаў Белстата, індэкс спажывецкіх цэн на тавары і паслугі ў верасні ў параўнанні са жніўнем склаў 100,9%, са снежнем мінулага года — 114,8%.
Што тычыцца цэн на харчовыя тавары, то гадавая інфляцыя тут аказалася 18,3%, на нехарчовыя — 20,3%, а ў сферы паслуг — 11,9%. У параўнанні са жніўнем, цэны на харчовыя тавары павялічыліся на 1,5%, у тым ліку на гародніну — на 19,5%, а на садавіну — на 8,8%. У той жа час рыба патаннела на 0,7%.
Нехарчовыя тавары за месяц падаражэлі на 0,5%, больш за ўсё — парфумерыя і касметыка, якая дадала 3%. Паслугі дабавілі ў сярэднім 0,2%, больш за ўсё ў адукацыі — 7,7%.
Свайго піку гадавая інфляцыя дасягнула ў ліпені, узяўшы адзнаку 18,1%, у чэрвені яна была 17,6%.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары