Parłamient Kazachstana pryniaŭ zakon ab amnistyi ŭdzielnikaŭ studzieńskich pratestaŭ
Zhodna z zakonam, častku asudžanych vyzvalać, mnohim — značna skarociać terminy źniavoleńnia, a kamuści navat dapamohuć z pošukam pracy i žylla, piša Tengrinews.
Jak adznačyŭ śpikier Sienata Kazachstana Maŭlen Ašymbajeŭ, parłamientaryi razhladajuć pryniaty zakon jak «akt humanizmu z boku hramadstva i dziaržavy». U pryvatnaści, zakon ab amnistyi praduhledžvaje vyzvaleńnie ad kryminalnaha pieraśledu asob, jakija ŭčynili złačynstvy nievialikaj i siaredniaj ciažkaści.
Tym, chto byŭ pryznany vinavatym u ździajśnieńni ciažkich i asabliva ciažkich złačynstvaŭ, skarociać terminy znachodžańnia ŭ źniavoleńni na try čverci i napałovu adpaviedna.
Asobna ŭ zakonie prapisanaja adkaznaść hramadzian, jakija ŭčynili «ekstremisckija, karupcyjnyja złačynstvy, dziaržaŭnuju zdradu», arhanizatary masavych biesparadkaŭ, recydyvisty, hvałtaŭniki. Jany nie padpadajuć pad amnistyju.
Taksama ŭ zakonie ahavoranyja mahčymaści i sposaby resacyjalizacyi vyzvalenych asob — pracaŭładkavańnie, akazańnie miedycynskaj dapamohi i afarmleńnie dakumientaŭ.
Pavodle źviestak Hienieralnaj prakuratury Kazachstana, u vyniku pratestaŭ u studzieni hetaha hoda paciarpieli 4353 čałavieki, zahinuli 238.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary
Sžihaješ MVD i parłamient - budiet amnistija.
Žuješ sopli i chodiš s ćvietočkami - budut zabityje kamiery i sroki kak v 30ch hodach.