U Minsku animatara zatrymali za słovy «Stary Dzied Maroz stamiŭsia, tamu pryjšoŭ čas vybirać novaha»
Praŭładny telehram-kanał kanał piša, što suzasnavalnik prajekta «Razumny Minsk» Siarhiej Saŭkin «naviazvaŭ dzieciam i ich baćkam palityčny padtekst».
Siłaviki pakazali fota idei navahodniaj prahramy, dzie jość słovy «Stary Dzied Maroz stamiŭsia, tamu pryjšoŭ čas vybirać novaha». Akramia hetaha, na videa jon kaža, što «ŭdzielničaŭ u akcyjach pratestu, błakavaŭ ruch transpartu i byŭ padpisany na «ekstremisckija» telehram-kanały».
Pavodle infarmacyi «Miedyjazony», zatrymanaha kličuć Siarhiej Saŭkin. Pa našaj infarmacyi, jamu 34 hady i jon maje siamihadovaha dzicionka.
«Razumny Minsk» — navukova-papularny prajekt dla dziaciej i ich baćkoŭ, jaki isnuje z 2016 hoda. Na zaniatkach «Razumnaha Minska» dziaciej vučać pryrodaznaŭčym navukam (tam pravodziacca hurtki pa chimii i bijałohii) u hulniavoj formie. Miarkujučy pa videa sa staronak u sacyjalnych sietkach prajekta, anijakaha palityčnaha źmiestu ŭ ichnich zaniatkach nie było.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary