Chvoraja na rak vałancior z Homiela šukaje haspadaroŭ dla 30 svaich chatnich hadavancaŭ
Hamialčanka Maryna Stupinskaja vykupiła budynak byłoj škoły ŭ vioscy Vysokaje Rahačoŭskaha rajona, dzie stvaryła prytułak dla biazdomnych žyvioł. Za 5 hadoŭ Maryna prystroiła ŭ dobryja ruki bolš za 400 svaich padapiečnych. Dva hady tamu Maryna zachvareła na rak. Ciapier jana šukaje haspadaroŭ dla 30 svaich chatnich hadavancaŭ, piša «Biełka».
Čatyry hady tamu vałancior kupiła budynak byłoj škoły ŭ vioscy Vysokaje Rahačoŭskaha rajona i adkryła ŭ im prytułak dla biazdomnych katoŭ i sabak. Maryna i jaje kamanda źbiralisia adkryć tam vieterynarny kabiniet, pabudavać novyja valjery, pravieści nieabchodnyja kamunikacyi.
Dva hady tamu ŭ Maryny znajšli ankałohiju, zrabili apieracyju, ale chvaroba viarnułasia.
Ciapier žančyna važyć mienš za 40 kh, drenna siabie adčuvaje. I prahnozy ŭračoŭ niesuciašalnyja. Tamu kiraŭnictva prytułkam pryjšłosia pieradać u ruki inšych vałancioraŭ. Ale abaronca žyvioł praciahvaje kłapacicca pra tych hadavancaŭ, jakija žyvuć u jaje doma.
— Bolš za ŭsio mianie ciapier chvaluje los maich sabak i katoŭ, jakich bolš za 30. Kali mianie nie stanie, što ź imi budzie? Moža być, niechta znojdzie miesca ŭ svaim sercy i svaim domie dla ich? — źviartajecca da nieabyjakavych ludziej Maryna Stupinskaja.
Pahladzieć fota ŭsich žyvioł možna na staroncy vałanciora ŭ VK. Kali vy hatovyja ŭziać dadomu kahości ź ich ci dapamahčy inšym sposabam, telefanujcie: +375 29 368-82-38 (Kaciaryna).
Kamientary