Śpikier parłamienta Kazachstana raskrytykavaŭ zajavu rasijskaha pasła pra rusafobiju
Niekatoryja vykazvańni pasła Rasii ŭ Kazachstanie Alaksieja Baradaŭkina na temu rusafobii ŭ Respublicy padobnyja da zajaŭ palitołahaŭ, a nie dypłamata, jakomu treba pracavać na karyść dvuchbakovych adnosin krain, ličyć śpikier Mažylisa (nižniaja pałata) parłamienta Kazachstana Jerłan Kašanaŭ.
Raniej Baradaŭkin u intervju Sputnik «vykazaŭ zakłapočanaść» z nahody taho, što «radykalnyja nacyjanalistyčnyja tendencyi prahladajucca ŭ Kazachstanie ŭsio bolš i bolš vyrazna».
Maŭlaŭ, internet napaŭniajecca videasiužetami, u jakich «radykalnyja nacyjanalisty vystupajuć ź nieprymalnymi patrabavańniami i rusafobskimi łozunhami».
«Ja ŭvažliva aznajomiŭsia ź intervju spadara Baradaŭkina, niekatoryja momanty jaho intervju, sapraŭdy, nie adpaviadajuć jaho statusu i nie pracujuć na karyść. Choć spadar Baradaŭkin vielmi daśviedčany dypłamat, jaho daŭno viedajem, i jon nie pavinien prypadabniacca da prapahandystaŭ i palitołahaŭ», — skazaŭ Kašanaŭ u intervju telekanału Atameken Business.
Śpikier Mažylisa dadaŭ, što «ksienafobija jość i ŭ Rasii, i ŭ inšych krainach». «Tamu my pavinny sumiesna pracavać na karyść našych krain, našych dziaržaŭ, i kab našy vykazvańni, vykazvańni palitykaŭ u pieršuju čarhu nie nanosili škodu našym dvuchbakovym adnosinam», — skazaŭ jon na zakančeńnie.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary