Turecki mabilny apieratar Turkcell, jaki raniej vałodaŭ 80% akcyj ZAT «BieST», kupiŭ astatnija 20 i ciapier całkam vałodaje apierataram life:). Da taho pakiet akcyj naležaŭ Dziaržkammajomaści, i kupili turki ich pa zusim nievialikaj canie, — usiaho za 1165,66 dalaraŭ, piša Office Life.
Całkam vierahodna, takaja ścipłaja cana — vynik chraničnaj stratnaści life:): da prykładu, u 2022 hodzie straty vyznačajucca ŭ 5-8 młn rubloŭ za kvartał.
Jak havorycca ŭ paviedamleńni tureckaha boku, havorka idzie pra pieršapačatkovy ŭniosak u ramkach novych inviestycyjnych abaviazacielstvaŭ Turkcell pierad Biełaruśsiu.
U chodzie pieramovaŭ damova kupli-prodažu akcyj «BieST», jakaja dziejničała z 2008 hoda i pa jakoj Turkcell praz svaju «dačku» Beltel za 500 młn dalaraŭ nabyŭ 80% akcyj sotavaha apieratara life:) i abaviazaŭsia vypłacić jašče $100 młn u vypadku dasiahnieńnia stanoŭčaha hadavoha dachodu, skasavana. Jaje zamianiła novaje inviestpahadnieńnie.
Pavodle hetaha pahadnieńnia turecki inviestar abaviazaŭsia ŭkłaści ŭ 2022-2032 hadach u telekamunikacyjnuju infrastrukturu life:) nie mienš za $100 młn. Akramia taho, na praciahu hetaha pieryjadu buduć vypłačanyja dadatkovyja $100 młn u vyhladzie štohadovych adličeńniaŭ u pamiery nie mienš za 50% ad čystaha prybytku. U vypadku, kali ŭkazany abjom nie budzie dasiahnuty praz 10 hadoŭ, praduhledžany miechanizm adnarazovaj vypłaty.
Z 2020 hoda asnoŭnym akcyjanieram Turkcell staŭ Fond nacyjanalnaha dabrabytu Turcyi. Abanienckaja baza jaho biełaruskaj «dački», jakoj naležyć mabilny apieratar life:), składaje 1,5 młn karystalnikaŭ. Usie try kvartały ŭ hetym hodzie «BieST» spracavaŭ z čystymi stratami.
Kamientary
A potom nik i majk trusy karpienkova budut obsuždať.
Kotoryje on po intiernietu kupił.