«Biełarusy i rynak» spynili vychad pa patrabavańni Mininfarmacyi
Na minułym tydni stała viadoma, što hazieta «Biełarusy i rynak» spyniaje vychad paśla 32 hadoŭ isnavańnia. Siońnia vydańnie patłumačyła, što spyniaje vychad zhodna z patrabavańniem Ministerstva infarmacyi.
«Kab paźbiehnuć insinuacyj z nahody spynieńnia vychadu najstarejšaj niezaležnaj biełaruskaj haziety, paviedamlajem, što na minułym tydni redakcyjaj byŭ atrymany list ź Ministerstva infarmacyi. U im havorycca ab anulavańni paśviedčańnia ab dziaržaŭnaj rehistracyi haziety «Biełarusy i rynak». Padstavaj dla hetaha nazvany padpunkt 2.8 punkta 2 artykuła 15 Zakona «Ab srodkach masavaj infarmacyi».
U zahadzie ŭtrymlivajecca patrabavańnie vyklučyć ź dziaržaŭnaha rejestra srodkaŭ masavaj infarmacyi hazietu «Biełarusy i rynak», a taksama pradpisvajecca siektaru rehistracyi ŚMI i kantrolu za vykanańniem zakanadaŭstva pryniać miery pa realizacyi zahadu», — tłumačyć vydańnie.
Dakumient padpisany 1 śniežnia ministram infarmacyi Uładzimiram Piarcovym.
Takim čynam, na padstavie zahadu redakcyja spyniaje pracu pa vypusku drukavanaj viersii haziety.
U hetym śniežni vydańniu spoŭniłasia b 32 hady. Jano pačało svaju dziejnaść jašče ŭ časy SSSR.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ40
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary