Ministerstva abarony raskazała ab źniščeńni snaradaŭ časoŭ Druhoj suśvietnaj, a pakazała sučasnyja rasijskija bojeprypasy
Biełaruskija vajskoŭcy źniščajuć rasijskija bojeprypasy, znojdzienyja na terytoryi Biełarusi. Homielskaje vydańnie «Fłahštok» zrabiła takoje zaklučeńnie, vyvučyŭšy fatahrafii ahienctva BiełTA ŭ niadaŭna apublikavanym materyjale.
Pavodle infarmacyi BiełTA, biełaruskija vajskoŭcy zrabili spravazdaču ab praviadzieńni supraćminnych rabot u 2022 hodzie. «Na terytoryi krainy byli vyjaŭlenyja i źniščanyja amal 12 tys. vybuchovaniebiaśpiečnych pradmietaŭ. Usiaho ž na najaŭnaść takich pradmietaŭ było pravierana bolš za 8 700 hiektaraŭ».
Pry hetym u publikacyi dziaržvydańnia słovami načalnika supraćminnaha centra US Biełarusi ŭtrymlivajecca namiok, što hetyja raboty pravodzilisia ŭdalečyni ad miescaŭ kancentracyi rasijskich vojskaŭ padčas uvarvańnia va Ukrainu i źviazanyja z «recham» Druhoj suśvietnaj. «Sucelnyja ačystki ad vybuchovaniebiaśpiečnych pradmietaŭ pravodzilisia ŭ rajonach nasielenych punktaŭ Kruleŭščyna Dokšyckaha rajona, Dretuń Połackaha rajona, a taksama na ŭčastku svabodnaj ekanamičnaj zony «Viciebsk».
Na fota trapili vybuchovaniebiaśpiečnyja pradmiety z nakładnymi navučalnymi zaradami z draŭlanych bruskoŭ. Ale «Fłahštok» źviarnuŭ uvahu, što akramia ržavych bojeprypasaŭ časoŭ Druhoj suśvietnaj vajny na fotazdymkach prysutničajuć i sučasnyja, jakija i siońnia vyrablajucca ŭ Rasii.
Siarod prademanstravanych vybuchovaniebiaśpiečnych pradmietaŭ jość supraćtankavy rakietny kompleks «Fahot», vystrały dla supraćtankavych hranatamiotaŭ (SPH-9 «Kapjo» i RPH-7) i 30-milimietrovy harmatny snarad dla BMP. Usie hetyja ŭzbrajeńni prymianiajucca rasijskaj armijaj i siońnia, u tym liku na terytoryi Ukrainy.
Taksama była apublikavanaja infarmacyja ab płoščy, na jakoj pravodziŭsia pošuk vybuchovaniebiaśpiečnych pradmietaŭ — 8 700 ha (87 kvadratnych kiłamietraŭ). Hetaja terytoryja supastaŭnaja z płoščaj Homiela. Raniej vajskovaje viedamstva nie nazyvała padobnyja ličby.
Biełaruskija vajskoŭcy nie lubiać zhadvać pra prablemy, vyklikanyja rasijskim napadam na Ukrainu z terytoryi Biełarusi. Viadoma tolki pra adno paviedamleńnie MUS ad 25 krasavika ab vyjaŭleńni bojeprypasaŭ u Rečyckim rajonie, niedaloka ad palavoha łahiera rasijskich vojskaŭ.
4 krasavika 2022 hoda kala adsielenaj vioski Biełaja Saroka ŭ Naraŭlanskim rajonie pry najeździe na minu padarvaŭsia aŭtamabil — rabotnik KDB, jaki znachodziŭsia za rulom, zahinuŭ. Pavodle infarmacyi «Radyjo Svaboda», tady la miesca vybuchu znajšli jašče 10 min. Aficyjnyja ŭłady śmierć rabotnika KDB ad vybuchu nie kamientavali.
Adsielenaja vioska Biełaja Saroka viadomaja tym, što ŭ lutym 2022 hoda tam źbirałasia rasijskaja vajskovaja technika dla nastupu na paŭnočna-zachodnija pryharady Kijeva.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała14
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary