«Lekary nie śpiašajucca z prahnozami». Biełaruski chłopčyk u ciažkim stanie paśla najezdu ŭ Biełastoku, treba dapamoha
6-hadovaha chłopčyka ź Biełarusi źbiła mašyna na piešachodnym pierachodzie ŭ Biełastoku. Dzicia znachodzicca ŭ ciažkim stanie, polskija miedyki nie śpiašajucca davać nijakich prahnozaŭ. Mama chłopčyka 20 studzienia napisała zajavu ŭ polskuju palicyju i prosić padtrymki ŭ biełarusaŭ, piša vydańnie Most.
17 studzienia ŭ polskim Biełastoku na piešachodnym pierachodzie źbili chłopčyka, jaki pryjechaŭ u horad razam z mamaj i bratam. U hety dzień siamja źbirałasia viartacca ŭ Biełaruś, ale vyrašyła zastacca jašče na adzin dzień u polskim horadzie.
Dzicia zabrali ŭ balnicu, jano ŭ ciažkim stanie ŭ reanimacyi. Za rulom aŭtamabila była 22-hadovaja dziaŭčyna.
«Try dni prajšło, ale z nami vinavataja ŭ DTZ abo jaje pradstaŭniki tak i nie źviazalisia. My nie viedajem, chto hetaja dziaŭčyna i ŭ jakim stanie jana była. Idzie pravierka, palicyja nie daje nijakaj infarmacyi. Spravu pieradali ŭ prakuraturu.
Ciapier vielmi šmat roznych čutak. Chto kaža, što pjanaja była, a chto kaža, što pad narkotykami, ale my pakul ničoha nie viedajem i nie śpiašajemsia z vysnovami, kab nie naškodzić spravie», — raskazaŭ pradstaŭnik siamji Andrej.
Na sajcie bialystokonline.pl u dzień najezdu na chłopčyka źjaviłasia natatka, dzie była infarmacyja, što kiroŭca ŭ momant DTZ była ćviarozaja: «Pavodle papiarednich źviestak, 22-hadovaja kiroŭca Toyota na piešachodnym pierachodzie źbiła 6-hadovaje dzicia, jakoje pierachodziła darohu razam z maci. Kiroŭca była ćviarozaja. Chłopčyka dastavili ŭ balnicu».
Michaił ciapier znachodzicca ŭ ciažkim stanie, u jaho pabityja lohkija, acioki hałaŭnoha mozhu i jość unutranaja hiematoma. Mocna złamanaja tvarnaja kostka čerapa.
Lekary nie śpiašajucca z prahnozami. Chłopčyk lažyć u štučnaj komie, jamu padklučanaja vientylacyja lohkich. Kažuć čakać, pakul sydzie aciok, i tady možna havaryć pra niejkuju apieracyju.
Hienieralnaje konsulstva Biełarusi prapanoŭvała dapamohu žančynie z transpartavańniem dziciaci ŭ Biełaruś, ale siamja admoviłasia. Baćka dziciaci robić ekstrannuju vizu, kab pryjechać u Biełastok. Brata Michaiła časova prytuliła biełaruska ŭ Biełastoku.
«Mnohija pytalisia, jak možna dapamahčy siamji Mišy. Pierakładčyka my znajšli, sustrelisia ź jurystam. Tolki siońnia adkryli rachunak. Srodki ŭ pieršuju čarhu patrebnyja na jurysta, mahčymuju apieracyju i budučuju reabilitacyju. U Michaiła jość karta palaka, hety faktar taksama adyhryvaje važnuju rolu dla biełarusa ŭ Polščy. Viadoma, lačeńnie pavinien pakryvać vinavaty ŭ DTZ abo strachavaja kampanija. Ale ciapier da hetaha jašče daloka. Mamie i dziciaci patrebna ciapier padtrymka».
Padtrymać siamju možna hrašovym pieravodam: 52 1020 1332 0000 1702 1408 8845 Victoria Abramenia
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary