Uładalnika bara «Banki-Butelki» i jaho žonku asudzili za ŭdzieł u maršach i vypuścili ź SIZA
U sudzie Maskoŭskaha rajona Minska 31 studzienia asudzili ŭładalnika bara «Banki-Butelki» Andreja Žuka i jahonuju žonku Maryju. Ich abvinavacili pavodle č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak). Pravaabaroncam stała viadoma, što sudździa Siarhiej Kacer pryznačyŭ Andreju 2,5 hoda «chimii». Ab prysudzie Maryi nie paviedamlajecca.
Paśla šaści miesiacaŭ za kratami ich vyzvalili. Sužency apublikavali svojo fota ŭ instahramie.
Nahadajem, 3 žniŭnia na Zybickaj prajšoŭ vuličny kancert śpiavački Meryjem Hierasimienka na terasie bara «Banki-butelki». Jana śpiavała pieśniu «Okieana Elzi» «Obijmi». Śpiavačku zatrymali i dvojčy aryštavali na 15 sutak, a potym zaviali kryminalnuju spravu pavodle č. 1 art. 342 KK.
Na nastupny dzień paśla kancerta ŭ bar pryjšli pravierki z sanstancyi i MNS. Uładalnik bara Andrej Žuk paźniej byŭ zatrymany, jak i jaho žonka Maryja.
20 studzienia Meryjem asudzili taksama pa «narodnym» artykule da troch hadoŭ «chatniaj chimii».
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ1
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary