Maryja Kaleśnikava pracuje ŭ kałonii i adnaŭlajecca paśla apieracyi
«Narodnaja Vola» pacikaviłasia stanam zdaroŭja Maryi Kaleśnikavaj.
Nahadajem, eks-kiraŭnicu štaba Viktara Babaryki, zatrymali na pačatku vieraśnia 2020 hoda. Na miažy Kaleśnikava parvała svoj pašpart, kab paźbiehnuć prymusovaj departacyi, i ŭ vyniku apynułasia za kratami.
6 vieraśnia 2021 hoda Minski abłasny sud paličyŭ Maryju Kaleśnikavu vinavataj u ździajśnieńni złačynstvaŭ, praduhledžanych č. 1 art. 357, č. 3 art. 361, č. 1 art. 361-1 Kryminalnaha kodeksa, i asudziŭ da 11 hadoŭ pazbaŭleńnia voli za zmovu z metaj zachopu dziaržaŭnaj ułady niekanstytucyjnym šlacham, stvareńnie ekstremisckaha farmavańnia i kiravańnie takim farmavańniem, publičnyja zakliki da zachopu dziaržaŭnaj ułady.
KDB unios Maryju Kaleśnikavu ŭ śpis asob, datyčnych da terarystyčnaj dziejnaści.
Pry kancy minułaha hoda stała viadoma, što Maryja trapiła ŭ špital z chirurhičnaj patałohijaj, dzie jaje praapieravali.
«Ciapier Maryja viarnułasia da pracy ŭ kałonii, — raspaviali «Narodnaj Voli» jaje znajomyja. — Adnaŭlajecca paśla apieracyi, nabiraje vahu, bo paśla balničnaj pałaty schudnieła. I hałoŭnaje — zastajecca mocnaj ducham…»
Viadoma taksama, što ŭ kałonii Maryi Kaleśnikavaj zabaroniena toje, na što inšyja źniavolenyja majuć prava. Naprykład, u hetym hodzie telefonnyja zvanki abmiežavali da adnaho na miesiac, zabaranili razmaŭlać ź siastroj. U minułym hodzie było tolki adno spatkańnie z baćkam. Taksama apošnim časam byli prablemy ź listavańniem.
«Ja dakładna viedaju, što lubyja ciažkaści zakončacca, — napisała ŭ adnym sa svaich listoŭ na volu Maryja Kaleśnikava. — Dyk navošta sumavać i pieražyvać, kali abaviazkova nastupić momant, kali ciažkaści zakončacca? Navošta tracić čas svajho žyćcia na toje, što nie maje sensu, dy jašče i prynosić mnie škodu? Ja žyvu tak, jak byccam nie isnuje ŭsiaho hetaha žudasnaha i «dziŭnaha», što naŭkoł mianie».
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary