Parłamienckaja asambleja Rady Jeŭropy pryznała Łukašenku datyčnym da departacyi ŭkrainskich dziaciej
Prapanovu ab tym, kab razam z Pucinym u rezalucyi zhadvaŭsia i Łukašenka, zrabiŭ ukrainski deputat Viarchoŭnaj Rady Alaksiej Hančarenka. Jon pra heta i paviedamiŭ u telehramie.
Važny momant, na dumku Hančarenki — toje, što ŭ siońniašnim rašeńni PARIE ŭ dačynieńni da situacyi ŭpieršyniu ŭžytaje słova «hienacyd».
Tak, u rezalucyi adznačajecca, što zhodna z normami mižnarodnaha prava, prymusovaja departacyja — heta prykmieta hienacydu, tamu ŭsie vypadki pavinny rasśledavacca, a ŭsie datyčnyja panieści adkaznaść.
Hančarenka prapanavaŭ delehatam PARIE, adkaznaść za hetyja dziejańni razam z Pucinym i pradstaŭnikami rasijskich uładaŭ uskłaści na Łukašenku, i jaho prapanova była padtrymanaja, heta ŭklučana ŭ rezalucyju.
Čytajcie taksama:
U Mižnarodnym kryminalnym sudzie vydali ordar na aryšt Uładzimira Pucina
Kamientary