Byłaja aktrysa Kupałaŭskaha ŭžo 20 hadoŭ viadzie kulinarnaje šou. Ale ciapier sacsietki ŭharajuć ź VIDEA jaje kucharstva
U dzievianostyja Julija Vysockaja skončyła Biełaruskuju akademiju mastactvaŭ i hrała ŭ Kupałaŭskim teatry. Paśla vyjšła zamuž za režysiora Andreja Kančałoŭskaha, źjechała ŭ Maskvu i adkryła novy talent — kulinarny.
Z 2003 hoda jana viadzie štotydniovaje šou «Jamo doma», u jakim na svajoj kuchni hatuje i paralelna razmaŭlaje z režysiorkaj prahramy. Taksama Vysockaja źjaŭlajecca aŭtarkaj kulinarnych knih i ŭładalnicaj niekalkich restaranaŭ u Maskvie.
Za dvaccać hadoŭ publika, zdajecca, nastolki pryvykła i davieryłasia Vysockaj, što pierastała źviartać uvahu na praces pryhatavańnia i kančatkovy vynik. A jon nie ŭ kožnym vypusku ŭdały.
Niekalki tydniaŭ tamu ŭ tyktoku źjaviŭsia frahmient jaje pieradačy, u jakoj jana hatavała syrniki. Jany ŭ Vysockaj, miakka kažučy, nie atrymalisia, — pa bakach padhareli, a ŭnutry zastalisia nieprapiečanymi. Ale viadučaja nie źviarnuła na heta ŭvahu — jana nazvała takuju kansistencyju svajoj lubimaj i skazała, što takich dalikatnych syrnikaŭ nikoli nie kaštavała.
U tyktoku videa virusicca z podpisam «Kali nap****ieła [schłusiła] chłopcu, što ŭmieju hatavać, a jon pryjšoŭ pahladzieć». Jano sabrała bolš za 3 miljony prahladaŭ.
Dalej sacsietki źviarnuli ŭvahu na vypusk, dzie Vysockaja na vulicy smažyła na vuhlach miasa. Pakul jana narazała pamidory, kuracina hareła adkrytym połymiem. Ale viadučaja znoŭ ničoha strašnaha ŭ hetym nie pabačyła, ščodra zasypaŭšy abvuhlenyja kavałki zielaninaj.
«Pryhažość!» — reziumavała Vysockaja.
Asabliva ŭražanyja hatoŭkaj viadučaj sabrali ceły tred ź jaje nieardynarnych receptaŭ. Voś, naprykład, roły i pica, jakaja hatavałasia na pieraviernutaj blasie:
Vsratyje syrniki? Horiaŝij infiernalnym ohniem šašłyk?
A možiet łučšie… SUŠI I PICCA?
Vysockaja — eto kakoj-to zapriedielnyj urovień krinža pic.twitter.com/NcYjakjtDX
A tut jana prapanoŭvaje jeści zapiečany ŭ paniroŭcy šałfiej, a taksama smažanuju suchuju hrečku:
hriečietto, hospoda pic.twitter.com/KsRqOdWPsa
Viadoma, što navat u samaha talenavitaha kuchara zdarajucca niaŭdačy, ale ludziej bolš uražvaje zdolnaść Julii Vysockaj nie źviartać na heta ŭvahi i chvalić svaje stravy.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary