NATA aficyjna pahadziłasia prybrać Płan dziejańniaŭ pa členstvie dla Ukrainy, ale jašče nie daść zaprašeńnia — Stołtenbierh
Paŭnočnaatłantyčny aljans pahadziŭsia prybrać Płan dziejańniaŭ pa siabroŭstvie ŭ NATA dla Ukrainy, ale pakul nie daŭ zaprašeńnia dla ŭstupleńnia. Pra heta skazaŭ hienieralny sakratar NATA Jens Stołtenbierh na samicie ŭ Vilni.
«My damo Ukrainie zaprašeńnie dałučycca da NATA, kali sajuźniki pahodziacca i ŭmovy buduć vykananyja», — skazaŭ Stołtenbierh.
U toj ža čas jon zajaviŭ, što členy NATA paćvierdzili, što Ukraina ŭvojdzie ŭ Aljans.
«I pahadzilisia prybrać patrabavańnie PDČ. Heta źmienić šlach Ukrainy z dvuchetapnaha pracesu na adnaetapny», — skazaŭ hienieralny sakratar NATA.
Stołtenbierh paviedamiŭ, što zaćvierdžany zapusk farmatu Rady Ukraina — NATA. Inaŭhuracyjnaje pasiadžeńnie zapłanavana na zaŭtra, 12 lipienia. Jon adznačyŭ, što zaŭtra budzie pradstaŭleny pakiet z mnohich elemientaŭ, jaki nabližaje Ukrainu da členstva ŭ NATA. Pavodle jaho, dla Ukrainy buduć realizavany šmathadovyja prahramy dapamohi, jakija dapamohuć joj pierajści ad standartaŭ savieckaj armii da zachodnich.
Uładzimir Zialenski prybyŭ u Vilniu na samit
«Kali ŭ budučyni Biełaruś skaža NATA «tak», jak ukraincy kažuć ciapier, to i dla Biełarusi nie budzie inšaha šlachu» — eks-ministr abarony Litvy
Bajden: Pucinu nie ŭdasca złamać NATA
Stołtenbierh ahučyŭ rašeńni, jakija samit NATO prymie ŭ dačynieńni da Ukrainy
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki29
Kamientary