ChatGPT značna atupieŭ. Mierkavana, z-za razmoŭ ź ludźmi — daśledavańnie
Kamanda navukoŭcaŭ ź viadučych univiersitetaŭ ZŠA zafiksavała imklivuju dehradacyju papularnaj niejrasietki, jakaja adbyvajecca ŭ apošnija miesiacy.
Navukoŭcy sa Stenfardskaha i Kalifarnijskaha ŭniviersitetaŭ vyśvietlili, što čat-bot ChatGPT imkliva tupieje na praciahu niekalkich apošnich miesiacaŭ. Jak piša vydańnie The Business Insider, pakul što isnujuć dźvie hipotezy, jakija tłumačać padobnuju dehradacyju.
Za asnovu dla daśledavańnia była ŭziata samaja prasunutaja viersija niejrasietki, a mienavita ChatGPT-4, jakaja moža taksama pracavać z vyjavami. Padčas vyprabavańniaŭ za niekalki miesiacaŭ byŭ zaŭvažany «prahres u chutkaści vydačy adkazaŭ», ale jakaść i pravilnaść pradstaŭlenaj infarmacyi «značna pahoršylisia».
«Pakazčyki jakaści i pravilnaści adkazaŭ za niekalki miesiacaŭ daśledavańnia pa mnohich zadačach mocna źmienšylisia. Naprykład, kali jašče ŭ sakaviku dakładnaść vyznačeńnia prostych likaŭ składała 97,6%, to ŭ červieni hety pakazčyk źniziŭsia až da 2,4%. Heta my jašče nie havorym ab napisańni koda i inšych kompleksnych zadačach», — pišuć daśledčyki.
Na ich dumku, pryčyna takoha rehresu dakładna nieviadoma, ale heta mohuć być naŭmysnyja dziejańni kampanii OpenAI, raspracoŭščyka ChatGPT, pa ekanomii na absłuhoŭvańni niejrasietki.
Albo ž heta źjaŭlajecca nastupstvam šmatlikich razmoŭ z karystalnikami, na jakich niejrasietka navučajecca i jakija čaściej za ŭsio nie majuć vialikaj sensavaj nahruzki, ci prosta źjaŭlajucca «durnymi».
Pry hetym u samoj kampanii OpenAI asprečyli abiedźvie hetyja viersii, zajaviŭšy, što ich štučny intelekt uvieś čas stanovicca lepšym.
Ciapier čytajuć
Jakija retranślatary na miažy maje na ŭvazie Ukraina?9
Kamientary