Učora «Naša Niva» paviedamlała pra toje, što prykamandziravanyja na pahraničnyja pierachody kadebisty stali praviarać IMIEI telefonaŭ tych, kaho jany ličać palityčna padazronymi. Dziejny supracoŭnik adnaho ź siłavych orhanaŭ patłumačyŭ łohiku pravierak.
Viadoma, što na ŭjeździe ŭ Biełaruś byvajuć vypadki, kali hramadzian našaj krainy pry prachodžańni pamiežnaha kantrolu zabirajuć na hutarki asoby ŭ cyvilnym, jakija zadajuć pytańni na asabistyja i palityčnyja temy, patrabujuć dostup da devajsaŭ, prahladajuć ich.
Hrupa ryzyki ŭ hetych vypadkach — tyja biełarusy, jakija pryciahvalisia da administracyjnaj adkaznaści pavodle «palityčnych» artykułaŭ u apošnija hady, a taksama ŭsie, chto byŭ zaŭvažany ŭ hramadzianskaj aktyŭnaści.
Zvyčajna ŭ devajsach praviarajuć pierapiski ŭ sacyjalnych sietkach, padpiski na zabaronienyja dziaržavaj resursy, fotaalbomy na pradmiet nacyjanalnaj biełaruskaj simvoliki i ŭdziełu ŭ akcyjach, telefonnyja knihi, kantakty.
Apošnim časam źjaviŭsia novy punkt u chodzie takoha niefarmalnaha elektronnaha vobšuku: śpiecsłužbisty časam praviarajuć IMIEI mabilnaha telefona čałavieka, jakoha jany adviali na dopyt.
Učora my dapuskali, dla jakich metaŭ moža vykarystoŭvacca hetaja infarmacyja. Siońnia dziejny supracoŭnik Śledčaha kamiteta na ŭmovach ananimnaści patłumačyŭ jašče adnu, mahčyma, hałoŭnuju pryčynu.
Čytajcie taksama: Na miažy stali praviarać IMEI telefonaŭ — śviedki«Mnohija pry pierasiačeńni hranicy stali karystacca «čystymi» devajsami, na jakich nie było miesiendžaraŭ, u pamiaci nie zachoŭvajucca i nikoli nie zachoŭvalisia fota– i videamateryjały z akcyj pratestu, kantakty palityčna aktyŭnych hramadzian.
A asnoŭny telefon, infarmacyja na jakim mahła b stać «dokazam viny» dla orhanaŭ, pry hetym schavany. I voś z hetym sprabujuć zmahacca, praviarajučy IMIEI.
Sens u tym, što mabilnyja apieratary pieradajuć u orhany ŭsiu infarmacyju, u tym liku ab IMIEI mabilnikaŭ ich klijentaŭ.
Jany bačać heta aŭtamatyčna, kali sim-kartu ŭstaŭlajuć u devajs i karystajucca im. Pa IMIEI možna ŭbačyć, jakim telefonam kankretna vy karystajeciesia, u tym liku jaho madel i hod vypusku.
Takim čynam, majučy hetuju infarmacyju, na miažy možna lohka pravieryć, addali vy aparat, jakim realna karystajeciesia, ci padsunuli pustyšku.
Kali pa ichniaj bazie vy ŭvieś čas prysutničajecie ŭ sietcy z ajfona, a na hranicy dajacie im «levy» android, to heta nahoda dla peŭnych vysnoŭ: jak minimum heta śviedčyć pra žadańnie niešta schavać i padmanuć», — patłumačyŭ nam śledčy.
Što novaha praviarajuć u telefonach na miažy pry viartańni ŭ Biełaruś
Jak padrychtavacca da pierachodu miažy? Raspytali ŭ tych, chto jaje niadaŭna prachodziŭ
«Połk Kalinoŭskaha pryjdzie vyzvalać Biełaruś — ty budzieš rady»? Što pytajucca i što hladziać u telefonie — raskazvaje čałaviek, jaki niadaŭna prachodziŭ miažu
Biełarusy stvaryli bot, jaki dapamoža adšukać paviedamleńni ŭ čatach. Voś jak jon pracuje i čamu heta važna dla biaśpieki
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
a śledčaha chto pravieryć?
Čtoby košmariť, sažaja po 100 čiełoviek v miesiac, chvatajet druhich instrumientov.
Raźvie, chotiat zaprietiť vyjezd iz strany vsiem, čiej IMEI zaśvietiłsia na maršach protiesta.
Vied́ 80% nasielenija, kotoroje protiv łukašienko i łukašistov, nie pieriesažaješ, tolko zamieniv uhołovnikami i bičami iz Rośsii takoje vozmožno.
I tak poniatno, čto 80% nasielenija nienavidiat łukašienko i łukašistov s jabaťkami.