Litva zamaroziła bolš za 23 młn jeŭra biełaruskich aktyvaŭ i zmahajecca sa schiemami abychodu sankcyj
Suma aktyvaŭ, zamarožanych u Litvie ŭ suviazi ź mižnarodnymi sankcyjami ŭ dačynieńni da Biełarusi i Rasii, pieravysiła 103 młn jeŭra. Takija źviestki pryvodzić Słužba rasśledavańniaŭ finansavych złačynstvaŭ Litvy.
U suviazi z abmiežavalnymi mierami z-za situacyi ŭ Biełarusi i datyčnaści Biełarusi da rasijskaj ahresii suprać Ukrainy zamarožany srodki na rachunkach šaści biełaruskich kampanij i adnoj fizasoby. Ahulnaja suma zamarožanych srodkaŭ, źviazanych ź Biełaruśsiu, — 23,71 młn jeŭra i 7,68 młn dalaraŭ.
Suma zamarožanych aktyvaŭ, źviazanych z Rasijaj, skłała bolš za 69,5 młn jeŭra i 810 tysiač dalaraŭ.
Ekśpierty FNTT adznačajuć tendencyi ŭchileńnia ad sankcyj. Adzin z asnoŭnych kirunkaŭ — imknieńnie ŭvozić u krainu ahresara sankcyjnyja tavary.
Čaściej za ŭsio ŭ abychod sankcyj sprabujuć pracavać kampanii, daŭno zarehistravanyja ŭ Litvie, jakija majuć šmathadovy dośvied supracoŭnictva ź Biełaruśsiu i Rasijaj. Časam nahladnyja orhany zaŭvažajuć płaciažy, jakija pastupajuć na adras takich kampanij ad niadaŭna zarehistravanych zamiežnych partnioraŭ.
«Dla apošnich ułaściva toje, što jany nie majuć ułasnaj majomaści, realizoŭvajuć pradukcyju, niecharakternuju dla rajona dziejnaści: naprykład, kampanija, stvoranaja ŭ miascovaści z redkaleśsiem, pačynaje zajmacca lesanarychtoŭkami ŭ bujnych abjomach», — tłumačać u nahladnych orhanach.
Jašče adzin padazrony vypadak — kali zhodna z padadzienym dakumientam tavary, što ekspartujucca ci impartujucca, iduć pa ekanamična niavyhadnym, z punktu hledžańnia łahistyki, maršrucie.
Taksama adznačajecca, što asoby i arhanizacyi, jakija znachodziacca pad sankcyjami, viedajučy, što ich aktyvy mohuć być zamarožanyja, sprabujuć prychavać sapraŭdnaha bienieficyjara za košt składanych karparatyŭnych arhanizacyjnych struktur.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary