U hłybinnych vodach Antarktydy vyjavili niezvyčajnuju istotu z 20-ciu kaniečnaściami
Navukoŭcy z Kalifarnijskaha ŭniviersiteta vyjavili ŭ vodach Antarktydy novuju niezvyčajnuju istotu, jakaja maje 20 kaniečnaściaŭ, padobnych na piory. Pra heta daśledčyki napisali ŭ navukovaj pracy, apublikavanaj u časopisie Invertebrate Systematics, pieradaje vydańnie Business Insider.
Pa słovach navukoŭcaŭ, maleńkija vypukłaści na ciele istoty vielmi nahadvajuć «płady truskałki», tamu daśledčyki i dali joj nazvu Promachocrinus fragarius (abo Antarktyčnaja truskałkavaja pioravaja zorka).
Sami pioravyja zorki — vid nie zusim novy. Jon adnosicca da kłasa «Marskich lilej», kudy taksama ŭvachodziać marskija zorki, marskija vožyki, marskija ahurki i hetak dalej. Adnak niadaŭna vyjaŭlenaja ŭ paŭdniovym paŭšarji truskałkavaja pioravaja zorka značna pieraŭzychodzić surodzičaŭ pa pamiery i kolkaści kaniečnaściaŭ.
«Znojdzienaja istota vałodaje pamieram ad 20 santymietraŭ i žyvie na hłybini ad 65 da 1170 mietraŭ. Maleńkija vypukłaści na ciele istoty vielmi padobnyja na płady truskałki, adsiul i nazva. Pierasoŭvajecca žyvioła za košt svaich doŭhich kaniečnaściaŭ, padobnych na piory, a maleńkija ščupalcy śpieradu patrebnyja dla łoŭli ježy», — pišuć navukoŭcy.
U cełym navukoŭcy adznačajuć, što vyjaŭleńnie novych marskich vidaŭ stała spravaj zvykłaj. Za hod kolkaść takich adkryćciaŭ moža dasiahać ad 10 da 15. Składanaść, pa słovach daśledčykaŭ uźnikaje tolki ŭ abjomie pracy i pošuku prydatnych nazvaŭ istotam.
Rybak vyłaviŭ samaha vialikaha soma ŭ śviecie. Jaho daŭžynia amal try mietry
«Navat paśla viartańnia vylivaju na siabie značna bolš parfumy, čym rabiŭ heta raniej». Małady navukoviec raskazaŭ pra svaju pracu ŭ Antarktydzie
«Marski krakadził», znojdzieny na ŭźbiarežžy Brytanii, — samy staražytny pradstaŭnik vidu. Jon isnavaŭ 185 młn hadoŭ tamu
Kamientary