68-hadovuju žančynu asudzili da šaści hadoŭ kałonii za palityčnyja kamientary
«Vy za mianie, kali łaska, nie pieražyvajcie, va ŭsiakim razie ja nikoha nie zabiła, ničoha nie ŭkrała, nikoha nie padmanuła i lubomu čałavieku mahu spakojna i adkryta hladzieć prosta ŭ vočy. Ja ŭ paradku», — napisała Natalla Piatrovič.
Stała viadoma, što 11 žniŭnia 2023 hoda da šaści hadoŭ pazbaŭleńnia voli ŭ kałonii ahulnaha režymu asudzili palitźniavolenuju 68-hadovuju piensijanierku Natallu Piatrovič, piša «Viasna».
Žančynu pryznali vinavataj pavodle
- č. 1 art. 368 (abraza Łukašenki);
- art. 369 (abraza pradstaŭnika ŭłady);
- č. 1 art. 130 (raspalvańnie varožaści ci varažniečy);
- č. 3 art. 361 (zakliki da dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś);
- č. 3 art. 361-1 (stvareńnie ekstremisckaha farmavańnia abo ŭdzieł u im) Kryminalnaha kodeksa.
Natalla Piatrovič była zatrymanaja 19 śniežnia 2022 hoda ŭ svajoj kvatery za kamientary. Pieršapačatkova joj taksama stavili ŭ vinu art. 342 Kryminalnaha kodeksa, ale jon byŭ źniaty padčas śledstva.
Taksama Natalla Ivanaŭna musić vypłacić kampiensacyju maralnaj škody ŭ pamiery bolš za try tysiačy rubloŭ pavodle art. 369 Kryminalnaha kodeksa.
Prysud vyniesła Viera Hałaŭko ŭ Minskim haradskim sudzie.
Niadaŭna Natalla Piatrovič dasłała list na volu:
«Vy za mianie, kali łaska, nie pieražyvajcie, va ŭsiakim razie ja nikoha nie zabiła, ničoha nie ŭkrała, nikoha nie padmanuła i lubomu čałavieku mahu spakojna i adkryta hladzieć prama ŭ vočy. Ja ŭ paradku».
Padtrymajcie žančynu hrašovymi pieravodami, pasyłkami i telehramami:
SIZA-1, 220030, h. Minsk, vuł. Vaładarskaha, 2, Natalla Ivanaŭna Piatrovič.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ9
Kamientary