Prybytki kampanii Nvidia pakazvajuć, chto zmoža atrymać najvialikšuju vyhodu padčas bumu hienieratyŭnaha ŠI
«U kampjutarnaj śfiery pačałasia novaja era. Kampanii va ŭsim śviecie pierachodziać ad univiersalnaści da paskoranych vyličeńniaŭ i hienieratyŭnaha štučnaha intelektu», — zajaviŭ zasnavalnik i hienieralny dyrektar Nvidia Džensien Chuanh.
Nvidia stała hałoŭnym pastaŭščykom industryi hienieratyŭnaha ŠI. Čypy kampanii A100 i H100 vykarystoŭvajucca dla stvareńnia i zapusku ŠI-prahram, u pryvatnaści ChatGPT. Jak viadoma, popyt na hetyja zapatrabavanyja prahramy niaŭchilna ros ciaham apošniaha hoda, a adpaviedna źmianiałasia i infrastruktura dla ich padtrymki. Pa słovach hienieralnaha dyrektara Nvidia, šerah pastaŭščykoŭ vobłačnych pasłuh niadaŭna abviaścili ab płanach ukaranieńnia aparatnaha zabieśpiačeńnia Nvidia H100 u svaich centrach apracoŭki danych.
Nvidia paviedamiła ab prybytku ŭ 13,51 miljarda dalaraŭ u druhim kvartale 2023 hoda — hetaja ličba pierasiahnuła čakańni Uoł Stryt i ŭdvaja pieravyšaje 6,7 miljarda dalaraŭ, atrymanych kampanijaj za anałahičny pieryjad minułaha hoda. Da taho ž Nvidia paviedamiła ab čystym prybytku ŭ pamiery 6,18 miljarda dalaraŭ u paraŭnańni z 656 miljonami za toj ža pieryjad minułaha hoda — heta bolš čym u dzieviać razoŭ.
Vyniki pakazvajuć, nakolki rezka źmianiajucca raskłady ŭ halinie. Kaliści hulniavoje padraździaleńnie kampanii było hałoŭnym ruchavikom prybytku. I ŭ toj čas jak hulniavy siektar kampanii praciahvaje raści (jaho prybytak u 2 kvartale 2023 hoda skłaŭ 2,49 miljardy dalaraŭ, pavialičyŭšysia na 22% u paraŭnańni ź minułym hodam), ciapier jon zasłaniajecca centram apracoŭki danych, jaki atrymaŭ 10,32 miljarda dalaraŭ dachodu, pavialičyŭšysia na 141% u paraŭnańni z papiarednim kvartałam i na ažno na 171% u paraŭnańni ź minułym hodam.
«Košt vobłačnych centraŭ apracoŭki danych u śviecie składaje niešta kala tryljona dalaraŭ», — cytuje spadara Chuanha vydańnie TechCrunch. — «I hetyja centry apracoŭki danych koštam tryljon dalaraŭ znachodziacca ŭ pracesie pierachodu da paskoranych vyličeńniaŭ i hienieratyŭnaha štučnaha intelektu. My bačym dźvie adnačasovyja źmieny płatformy».
Tym časam Nvidia čakaje jašče bolšaha rostu, prahnazujučy prybytak u 16 miljardaŭ dalaraŭ za treci kvartał, plus-minus 2%. Kiraŭnik Nvidia ličyć paskoranyja vyličeńni najbolš ekanamična– i enierhaefiektyŭnym, a taksama najbolš pradukcyjnym sposabam viadzieńnia kampjutarnych vyličeńniaŭ prosta ciapier.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki23
Kamientary