Palitviaźniu Andreju Sačeŭku źmianili mieru pakarańnia. Zamiest kałonii jaho adpravili ŭ turmu
Jak stała viadoma Mayday team, na minułym tydni adbyŭsia sudovy praces pa pieravodzie palitviaźnia z Hrodna na turemny režym. Najvierahodniej, dalejšaje pakarańnie jon budzie adbyvać u mahiloŭskaj turmie №4.
U babrujskaj papraŭčaj kałonii №2, dzie adbyvaŭ svoj termin Sačeŭka raniej, na jaho akazvaŭsia vialiki cisk z boku supracoŭnikaŭ i administracyi. Tak, u pačatku žniŭnia mužčynu adpravili ŭ pamiaškańnie kamiernaha typu na dva miesiacy.
Da hetaha Sačeŭku pratrymali 23 sutak u štrafnym izalatary. Jašče tady jamu zajavili, što na jaho buduć cisnuć praź jahonyja «niapravilnyja pohlady».
U ŠIZA palitviazień trapiŭ za toje, što admoviŭsia vynosić śmiećcie (takim čynam administracyja kałonii sprabavała «panizić status» palitviaźnia).
Andrej Sačeŭka byŭ asudžany nibyta za «zakliki da biesparadkaŭ» (art.293 KK RB) i «raspalvańnie sacyjalnaj varožaści» (art. 130 KK RB) za kamientary ŭ adnym z telehram-kanałaŭ Hrodna. Viadoma, što napisaŭ ich Andrej u noč z 11 na 12 žniŭnia 2020 hoda, kali išli žorstkija razhony pratestoŭcaŭ.
Abłasny sud Hrodna pakaraŭ maładoha čałavieka 6 hadami pazbaŭleńnia voli. Akramia taho, palitviazień byŭ uklučany ŭ śpis asob, «datyčnych da terarystyčnaj dziejnaści».
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary