Uviečary 1 vieraśnia ŭ Brasłavie na voziery Dryviaty paciarpieła krušeńnie prahułačnaja jachta. Supracoŭniki vyratavalnaj stancyi padyšli na katary i za kiłamietr ad bieraha vyciahnuli z vady čaćviarych čałaviek. Siarod vyratavanych — čatyrochhadovaja dziaŭčynka, piša Kraj.by.
«U nas tut pracuje kłub «Dryviacič», jaki kataje adpačyvalnikaŭ pa voziery Dryviaty. Učora ŭviečary na jachcie pad kiravańniem 17-hadovaha člena kłuba vyjšli na vodnuju prahułku troje minčukoŭ — 32-hadovy mužčyna, 27-hadovaja siabroŭka hetaha mužčyny i jaje čatyrochhadovaja dačka. Ratavalniki na vachcie sačyli za jachtaj.
Raptam nabiehli chmary, padniaŭsia mocny viecier, kala 18.07 jachta pierakuliłasia na adlehłaści prykładna adnaho kiłamietra ad bieraha.
Nam patrebna ŭsiaho chvilina, kab na katary vyjści ŭ voziera. Našy chłopcy adreahavali imhnienna. Padyšli da miesca krušeńnia jachty i padniali na bort katara spačatku čatyrochhadovuju dziaŭčynku, potym jaje mamu i zatym — chłopca z mužčynam», — raspavioŭ mataryst-rulavy Brasłaŭskaj vyratavalnaj stancyi Vadzim Muraška.
Jon adznačyŭ, što rulavy jachty mieŭ nieabchodnyja dakumienty, jakija dazvalajuć kiravać sudnam.
Vyratavanych dastavili na stancyju, ich ahledzieła miedsiastra. Akazałasia, što ŭsie ŭ paradku, ale mocna napałochanyja.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary