«My nie vykanali našych abaviazkaŭ». Kiraŭnik Hienštaba vojska Izraila vystupiŭ ź pieršaj zajavaj paśla ataki CHAMAS
Načalnik Hienštaba Armii abarony Izraila Hiercy Chalevi zajaviŭ, što pry napadzie CHAMAS na terytoryi, jakija miažujuć ź siektaram Haza, vajskoŭcy nie dali rady svaim abaviazkam. Heta pieršaja zajava Chalevi z pačatku novaha paleścina-izrailskaha kanfliktu, piša «Mieduza».
«Armija abarony Izraila niasie adkaznaść za biaśpieku krainy i jaje hramadzian. I ŭ subotu [7 kastryčnika] u nasielenych punktach, jakija miažujuć ź siektaram Haza, my nie vykanali našych abaviazkaŭ. My raźbiaromsia, čamu tak adbyłosia, ale zaraz čas vajavać», — zajaviŭ Chalevi, vystupajučy z pramovaj na bazie niedaloka ad miažy z Hazaj.
U svajoj zajavie načalnik Hienštaba armii Izraila zajaviŭ, što lidary siektara Haza sutyknucca z nastupstvami – i buduć «źniščany». Akramia taho, u svajoj zajavie Hiercy Chalevi zaklikaŭ prychilnikaŭ «Chiezbały» nie ŭmiešvacca ŭ kanflikt.
Chalevi vykazaŭ spačuvańni siemjam zahinułych i skazaŭ: «Košt vajny vysoki i ciažki. My zrobim usio, kab viarnuć pałonnych dadomu».
Pry napadzie CHAMAS na Izrail 7 kastryčnika paciarpieli rajony na poŭdni krainy, jakija miažujuć ź siektaram Haza.
Bajeviki zabili i vykrali ŭdzielnikaŭ muzyčnaha fiestyvalu Universo Paralello, jaki prachodziŭ pablizu kibuca Reim, taksama atakavali kibucy Kfar-Az i Bieery, dzie zabili sotni žycharoŭ, niekatorych ludziej abiezhałovili.
Pa apošnich danych, u Izraili ŭ vyniku napadu bajevikoŭ CHAMAS zahinuli 1300 čałaviek, kala 3300 paciarpieli. U siektary Haza, pavodle źviestak paleścinskich uład, u vyniku ŭdaraŭ armii Izraila zahinuli 1417 čałaviek, paciarpieli bolš za 6200.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary