RPC uznaharodziła vysłanych z Bałharyi śviataroŭ, u tym liku biełarusa Pavielčuka
Ruskaja pravasłaŭnaja carkva vyznačyłasia, što rabić z vysłanymi z Bałharyi śviatarami. Ich uznaharodzili i znajšli im miesca.
Hramadzianin Biełarusi protaijerej Jaŭhien Pavialčuk vyzvaleny ad pasady sakratara padvorka RPC u Safii i nakiravany ŭ rasparadžeńnie mitrapalita Minskaha i Zasłaŭskaha Vieńjamina. Jamu taksama vyniesiena padziaku «za poniesiennyje trudy». Rašeńnie było pryniata 11 kastryčnika na pasiadžeńni Śviaščennaha sinoda RPC, paviedamlaje sajt Maskoŭskaha patryjarchata, zaŭvažyŭ reform.by.
Rasijanin archimandryt Vasijan (Mikałaj Źmiejeŭ) vyzvaleny ad pasady nastajaciela padvorka ŭ Safii i pryznačany načalnikam Ruskaj duchoŭnaj misii ŭ Ijerusalimie. Jamu taksama vynieśli padziaku.
Akramia hetaha, Sinod RPC vykazaŭ «kateharyčny pratest u suviazi z hrubymi i dyskryminacyjnymi dziejańniami bałharskich uładaŭ», jakija vysłali z Bałharyi Pavielčuka, Źmiejeva i jašče adnaho hramadzianina Biełarusi Uładzimira Bańko.
21 vieraśnia śviataroŭ departavali z Bałharyi na zahad kiraŭnika Dziaržahienctva nacyjanalnaj biaśpieki. Ich pazbavili prava na ŭjezd i pražyvańnie ŭ Bałharyi na 5 hadoŭ.
Śpiecsłužby Bałharyi patłumačyŭ rašeńnie tym, što śviatary viali dziejnaść, nakiravanuju suprać nacyjanalnaj biaśpieki Bałharyi.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary