Ratavalniki dali niekalki paradaŭ, jak vyjści z takoj situacyi.
Zdareńnie adbyłosia dniom u niadzielu. Ratavalnikam pastupiła paviedamleńnie, što haryć kvatera na dziaviatym paviersie ŭ šmatpaviarchoviku na vulicy Ajčynnaj, paviedamlaje MNS.
Jak raspaviali haspadary, jany pastavili telefon zaradžacca i vyjšli ŭ kuchniu. Praź niekatory čas pačuli chłapok i pabačyli, što ŭ pakoi haryć kanapa.
Jany nieadkładna vyjšli na vulicu i paviedamili pra zdareńnie ŭ MNS. Ratavalniki likvidavali pažar. Evakuacyja žycharoŭ z padjezda nie spatrebiłasia.
Adnak ahniom była źniščanaja majomaść u pakoi, zakuranyja ścieny i stol u kvatery. Imavierna, pryčynaj zdareńnia stała karotkaje zamykańnie zaradnaj pryłady.
U MNS rekamiendujuć, kab paźbiehnuć tak zvanych elektryčnych pažaraŭ, nie pierahružać sietku. U adnu razietku ŭklučać tolki adzin elektraprybor. U vypadku zaharańnia dastać viłku z razietki abo vyklučyć zaścierahalniki na ličylniku. Tolki paśla hetaha možna zalić połymia vadoj abo nakinuć na jaho ščylnuju koŭdru.
Kali samastojna spravicca z pažaram nie možacie — vyklikajcie ratavalnikaŭ pa numarach 101 abo 112.
Čytajcie taksama:
U žychara Homiela mabilnik zahareŭsia prosta ŭ mašynie. Mužčyna atrymaŭ apioki
U centry Astraŭca zhareŭ punkt prodažu šaŭrmy VIDEA
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary