Učora ŭ Žytomiry prajšło ŭračystaje raźvitańnie z pałkoŭnikam u adstaŭcy — adnym z samych daśviedčanych instruktaraŭ Pałka Kastusia Kalinoŭskaha Mikałajem Mołakavym, paviedamiła pres-słužba pałka.
«Jon byŭ z nami z samaha pačatku i staŭ nieadjemnaj častkaj našaj historyi. Jaho samaaddanaść, prafiesijanalizm i stałaje imknieńnie padzialicca svaim dośviedam pakinuli vialiki śled u historyi našaha Pałka.
Hety vialiki čałaviek byŭ nie tolki vydatnym instruktaram, ale i viernym siabram i nastaŭnikam.
Jaho ŭkład u raźvićcio našych navykaŭ zastaniecca z nami nazaŭždy. My smutkujem i pamiatajem śvietłyja momanty, jakija jon pakinuŭ u našych sercach», — pišuć kalinoŭcy.
71-hadovy Mikałaj Mołakaŭ byŭ najstarejšym bajcom u Pałku Kalinoŭskaha. Jaho śpiecyjalnaść — vajskovaja raźviedka, jon pryjšoŭ dapamahać abaraniać Ukrainu ŭ jakaści instruktara pa vyžyvańni. Raniej rychtavaŭ raźviedčykaŭ i śpiecnaz. Choć sam jon pa pachodžańni ruski, ale byŭ hramadzianinam Ukrainy, a ŭ biełaruskim pałku adčuvaŭ siabie na svaim miescy.
Pra jaho śmierć Połk Kalinoŭskaha paviedamiŭ 10 listapada, pryčyna śmierci nie raskryvałasia.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary