Учора ў Жытоміры прайшло ўрачыстае развітанне з палкоўнікам у адстаўцы — адным з самых дасведчаных інструктараў Палка Кастуся Каліноўскага Мікалаем Молакавым, паведаміла прэс-служба палка.
«Ён быў з намі з самага пачатку і стаў неад'емнай часткай нашай гісторыі. Яго самаадданасць, прафесіяналізм і сталае імкненне падзяліцца сваім досведам пакінулі вялікі след у гісторыі нашага Палка.
Гэты вялікі чалавек быў не толькі выдатным інструктарам, але і верным сябрам і настаўнікам.
Яго ўклад у развіццё нашых навыкаў застанецца з намі назаўжды. Мы смуткуем і памятаем светлыя моманты, якія ён пакінуў у нашых сэрцах», — пішуць каліноўцы.
71-гадовы Мікалай Молакаў быў найстарэйшым байцом у Палку Каліноўскага. Яго спецыяльнасць — вайсковая разведка, ён прыйшоў дапамагаць абараняць Украіну ў якасці інструктара па выжыванні. Раней рыхтаваў разведчыкаў і спецназ. Хоць сам ён па паходжанні рускі, але быў грамадзянінам Украіны, а ў беларускім палку адчуваў сябе на сваім месцы.
Пра яго смерць Полк Каліноўскага паведаміў 10 лістапада, прычына смерці не раскрывалася.
Каментары