U Lidzie kinutaja žonka raźmiaściła ad imia supiernicy abjavu ab akazańni intymnych pasłuh
Žycharka Lidy, sprabujučy viarnuć muža ŭ siamju, pasprabavała papsavać reputacyju jahonaj novaj abrańnicy ŭ ahulnaharadskim čacie. U vyniku naklikała na siabie kryminalnuju spravu, pišuć «Minsk-Naviny».
42-hadovaja žančyna, jakuju kinuŭ muž, pazicyjanuje siabie jak varažbitka. Kali hetaja niepryjemnaść u jaje žyćci zdaryłasia, lidčanka pačała skardzicca na supiernicu va ŭsie mahčymyja instancyi. Adnak śćviardžeńni, što taja nie dahladaje małaletnich dziaciej, nie paćvierdzilisia.
Tady apanientka abrała bolš radykalny i niezvyčajny sposab. Jana zajšła ŭ haradskuju supołku ŭ adnoj z sacyjalnych sietak, na jakuju padpisanyja bolš za 18 tysiač čałaviek, i ad imia supiernicy napisała paviedamleńnie-abjavu ab akazańni pasłuh intymnaha charaktaru, abiacajučy źnižki pastajannym klijentam.
32-hadovaja žančyna, daviedaŭšysia pra paviedamleńnie, źviarnułasia ŭ milicyju i dabiłasia, kab u dačynieńni da supiernicy zaviali kryminalnuju spravu pavodle art. 188 KK («Paklop»).
Pavodle śviedčańniaŭ miascovych žycharoŭ, abvinavačanaja hramadzianka aficyjna nidzie nie pracuje, a zarablaje, akazvajučy śpiecyfičnyja «mahičnyja» pasłuhi.
KDB zavioŭ novuju maštabnuju spravu — ciapier suprać maršrutčykaŭ. Zatrymali 20 čałaviek
«Adnym ź pieršych jaho ŭkazańniaŭ stała ŭstanoŭka videakamier». KDB raskazaŭ bolš pra aryšt dyrektara «Babuškinoj krynki»
Dobrušski deputat atrymaŭ termin za hibiel dvuch mužčyn. Ciapier jon sprabuje dakazać svaju nievinavataść
Kamientary