19-hadovy žychar Krupskaha rajona akazaŭ supracoŭnikam AMAP supraciŭ pry zatrymańni — vyjšaŭ da ich z nažom u rukach. U chłopca strelili, zaraz jon u špitali, tak zdareńnie apisvaje pres-słužba MUS.
Jak piša MUS, u milicyju pastupiła apieratyŭnaja infarmacyja: u adnym z damoŭ vioski Vialiki Les Krupskaha rajona znachodzicca «hrupa ŭzbrojenych ludziej».
U 8:10 supracoŭniki HUBAZiK i AMAP UUS Minabłvykankama prybyli pa adrasie.
U domie znachodziŭsia 62-hadovy haspadar z dvuma synami. Mužčynu i starejšaha, 36-hadovaha, syna zatrymali. A małodšy, 19-hadovy, pavodle MUS, vyjšaŭ na supracoŭnikaŭ z dvuma nažami z pahrozami. Na patrabavańni pakłaści zbroju na padłohu, śćviardžaje MUS, jon nie reahavaŭ.
Na videa bačna, jak amapaŭcy vybivajuć bramu doma. Dźviery chaty adčyniaje haspadar z padniatymi rukami. Usio, što adbyvałasia dalej, nie bačna. Tolki čuvać hałasy siłavikoŭ: «Kiń nož», – i razdajecca streł.
Mužčyna špitalizavany.
Učora ŭ Rečyckim rajonie milicyjanty zastrelili mužčynu, jaki taksama nibyta byŭ sa zbrojaj.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary
Dvoje sdaliś, odnoho podstrielili.
Tak siebie vstrieča.
Dohovoriliś by choť, čto diełať.
Hladiš, vtrojem i navalali by im.