Jon znachodzicca na ścianie doma nasuprać Ladovaha pałaca, paviedamlaje ŭ svaim telehramie chakiejny kłub «Junactva».
Rusłan Salej — samy viadomy chakieist Biełarusi. Jon naradziŭsia ŭ Minsku ŭ 1974-m. Rusłan byŭ rekardsmienam pa kolkaści matčaŭ u Nacyjanalnaj chakiejnaj lizie. Za 14 siezonaŭ u najlepšaj chakiejnaj lizie śvietu biełaruski abaronca pravioŭ 916 hulniaŭ u rehularnych čempijanatach i 62 u płej-of. Hulaŭ za «Anachajm», ź jakim dajšoŭ da finału Kubka Stenli, «Fłarydu», «Kałarada», «Detrojt». Salej vystupaŭ za zbornuju Biełarusi na troch Alimpijadach (u 1998, 2002 i 2010 hadach) i dzieviaci čempijanatach śvietu, u tym liku šaści — u najmacniejšym dyvizijonie.
U 2011 hodzie vyrašyŭ karjeru praciahnuć u Kantynientalnaj chakiejnaj lizie i pierajšoŭ u jarasłaŭski «Łakamatyŭ».
Jaho žyćcio abarvałasia va ŭzroście 36 hadoŭ. Samalot Jak-42, na jakim «Łakamatyŭ» lacieŭ na debiutnuju hulniu siezona ŭ Minsk, nie zmoh nabrać vyšyniu i ŭpaŭ kala aeraporta Tunašna. Usie zahinuli. Betan Salej straciła muža i baćku traich dziaciej.
«Toje, što ja ŭsio jašče adna praz 12 hadoŭ, havoryć pra mnohaje». Intervju z udavoj Rusłana Saleja ab žyćci biez muža, dzieciach, kachańni i boli
Pietr Čech staŭ pieršym, chto zhulaŭ u najvyšejšym dyvizijonie Anhlii i ŭ futbole, i ŭ chakiei
U matčy čempijanatu NCHŁ vydalili adrazu dźvie piaciorki chakieistaŭ
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary