U časova akupavanym rasijanami Krymie 4 studzienia pad viečar źjavilisia paviedamleńni pra vybuchi ŭ Sievastopali i Jeŭpatoryi. Rasijskaje Minabarony zajaviła, što siły jahonaha SPA nibyta źniščyli nad paŭvostravam 10 rakiet.
Kamandujučy Pavietranymi siłami USU hienierał-lejtenant Mikoła Alaščuk paviedamiŭ u telehramie, što hetyja vybuchi — vyniki ŭkrainskaj śpiecapieracyi:
«2 studzienia Ministerstva chłuśni RF adspravazdačyłasia ab paražeńni rasijskimi rakietami «bunkiera z namieśnikam hałoŭnakamandujučaha Valeryja Załužnaha i jašče dzieviaćciu hienierałami USU». Pryvitańnie akupantam u Krymie! Čakaju ad varožaj prapahandy takoj ža epičnaj spravazdačy i ź Sievastopala dy Jeŭpatoryi 4 studzienia i jaki ŭžo raz dziakuju piłotam Pavietranych sił i ŭsim, chto płanavaŭ apieracyju, za biezdakornuju bajavuju pracu!»
U svaju čarhu kiraŭnik akupacyjnaj administracyi Sievastopala Michaił Razvažajeŭ nazvaŭ ataku na horad «samaj masiravanaj za apošni čas».
Miascovy resurs «Krymski viecier» sa spasyłkaj na svaju krynicu piša, što ŭ rajon siała Ujutnaje Sakskaha rajona pajechała šmat mašyn chutkaj dapamohi. Śćviardžajecca, što byŭ prylot u vajskovuju čaść SPA, jakaja tam raźmiaščajecca.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała10
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2727
Kamientary