Buduć sudzić trenierku pa płavańni, z-za niedahladu jakoj zahinuła dzicia
Pavodle paviedamleńnia pres-słužby Hienprakuratury, u sud Centralnaha rajona Homiela nakiravanaja kryminalnaja sprava ŭ dačynieńni da 58-hadovaj trenierki pa płavańni. Joj inkryminavana nienaležnaje vykanańnie abaviazkaŭ pa zabieśpiačeńni biaśpieki žyćciadziejnaści i zdaroŭja małaletniaha (č.2 art. 165 Kryminalnaha kodeksa).
Trahiedyja adbyłasia ŭ listapadzie 2022 hoda ŭ Homielskim abłasnym kompleksnym centry alimpijskaha reziervu. Trenierka padčas zaniatkaŭ pa płavańni nie ŭhledzieła, jak chłopčyk 2016 hoda naradžeńnia staŭ tanuć.
Pavodle materyjałaŭ spravy, abvinavačanaja 13 listapada 2022 hoda pravodziła płatnyja zaniatki pa płavańni z hrupaj z 13 dziaciej.
«U vyniku nienaležnaha vykanańnia ŭskładzienych na treniera abaviazkaŭ u častcy biaśpieki žyćcia i zdaroŭja dziaciej małaletni chłopčyk zachłynuŭsia vadoj u čašy dziciačaha basiejna. Paśla dastaŭleńnia ŭ kliničnuju balnicu z dyjahnazam «utapleńnie, terminalnaja koma» jon praz 37 dzion, nie prychodziačy ŭ prytomnaść, pamior», — havorycca ŭ paviedamleńni.
Abranuju raniej u dačynieńni da abvinavačanaj mieru strymańnia ŭ vyhladzie asabistaha paručycielstva pakinuli bieź źmieny.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary