Biełarusu ŭ Polščy pahražaje 12 hadoŭ za pieravozku biez dazvołu b/u detalaŭ
26-hadovaha kiroŭcu hruzavika zatrymali ŭ Budziscy (Polšča) niedaloka ad miažy ź Litvoj.
U paŭpryčepie polskija mytniki vyjavili 12 ton byłych va ŭžyvańni zapčastak — hety hruz kłasifikavali jak niebiaśpiečnyja adkidy, paviedamlaje abw.by.
Heta byli ruchaviki i prakładki, radyjatary i detali kuzava, ź jakich kapała aliva. Supracoŭniki vajavodskaj inśpiekcyi achovy navakolnaha asiarodździa ŭ Suvałkach kłasifikavali vyviezienyja ź Litvy tavary jak adkidy, dla čaho patrabujecca, u pryvatnaści, dazvoł i apaviaščeńnie ŭ elektronnaj sistemie nazirańnia za transpartam SENT. Takich dazvołaŭ u kiroŭcy nie było.
Akruhovy prakuror Suvałak vystaviŭ 26-hadovamu mužčynu abvinavačvańnie ŭ niezakonnym uvozie adkidaŭ u Polšču. Pa chadajnictvie prakurora parušalnika časova aryštavali na 3 miesiacy. Za pieravozku takoha hruzu biez dazvołu biełarusu pahražaje 12 hadoŭ pazbaŭleńnia voli.
Takija vypadki časam zdarajucca: šmat hadoŭ tamu, kali biełaruskija fury svabodna zajazdžali ŭ ES, biełarus sprabavaŭ pravieźci praz Polšču ŭ Niamieččynu kuzaŭ hruzavika MAN, jaki byŭ u zharełym stanie.
Pamiežniki, dziejničajučy zhodna z pracedurami ES, źviarnulisia pa dapamohu ŭ Vajavodskuju inśpiekcyju achovy navakolnaha asiarodździa. U vyniku zatrymany hruz byŭ adniesieny da asabliva niebiaśpiečnych adkidaŭ.
Ujezd u Polšču hruzaviku zabaranili. Biełarusa abvinavacili ŭ tym, što jon sprabavaŭ zavieźci ŭ ES adkidy biez dazvołu, jaho zatrymali, a firma-pieravozčyk zapłaciła bujny štraf.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ1
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary