U Kanadzie siamja ŭ padvale znajšła skrynku z kartkami na kazačnuju sumu. Zdavałasia b, pryčym tut Biełaruś?
Na hetym tydni siamja vystaviła chakiejnuju skrynku na aŭkcyjon, i suma na tarhach užo pieravysiła $ 1,125 młn.
Siamja z Saskačevana (pravincyja ŭ Kanadzie) znajšła ŭ padvale doma skrynku ź nieraspakavanymi chakiejnymi kartkami, paviedamlaje «Biełaruski chakiej» sa spasyłkaj na CBC.
Skrynka napoŭniena tysiačami nieadkrytych firmovych kartak, usio z 1979 hoda — hoda pačatku karjery najlepšaha snajpiera ŭ chakiei Uejna Hrecki. Na hetym tydni siamja vystaviła skrynku na aŭkcyjon, i suma na tarhach užo pieravysiła $ 1,125 młn.
Nichto dakładna nie viedaje, kolki tam kartak Hrecki. Pakiety z kartkami zakrytyja. Paviedamlajecca, što kartka pačatkoŭca Hrecki ŭ drennym stanie kaštuje niekalki sotniaŭ dalaraŭ, ale kartka ŭ vydatnym stanie niadaŭna była pradadzienaja za $ 3,75 młn.
Toj fakt, što skrynka nie adkryvałasia i da hetaha času ni razu nie pierachodziła z ruk u ruki, źjaŭlajecca adnoj z pryčyn, pa jakoj jana takaja kaštoŭnaja.
Jak viadoma, u najlepšaha chakieista śvietu ŭsich časoŭ i narodaŭ Uejna Hrecki — biełaruskaje pachodžańnie. Jahony dzied Anton vyjechaŭ u Kanadu ŭ pačatku XX stahodździa z terytoryi tahačasnaj Hrodzienskaj hubierni. Tam jon ažaniŭsia z ukrainkaj. Sa svaim synam Uołteram jon razmaŭlaŭ pa-biełarusku, a Uejn u dziacinstvie čuŭ biełaruskuju i ŭkrainskuju movy.
Niekalki hadoŭ tamu Uejn Hrecki pryjazdžaŭ u Minsk, dzie jaho sustreli ź vialikim razmacham i dzie jon sustreŭsia sa svaimi biełaruskimi svajakami.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary