Łukašenka pryznačyŭ bankira namieśnikam kiraŭnika svajoj administracyi
Siońnia Łukašenka pryznačyŭ Alaksandra Jahorava namieśnikam kiraŭnika svajoj administracyi. Pierad hetym pryznačeńniem Jahoraŭ byŭ staršynioj praŭleńnia Banka raźvićcia.
Jahoravu 38 hod. Jon skončyŭ Biełaruski dziaržaŭny ŭniviersitet (2007 h.) i mahistraturu Kaledža Uiljamsa (2012 h.). Jon — matematyk-ekanamist; mahistr humanitarnych navuk.
U 2012 — 2015 hh. zajmaŭ kirujučyja pasady ŭ Ministerstvie ekanomiki Respubliki Biełaruś, u 2015 — 2019 hh. — kirujučyja pasady ŭ Biełarusbanku.
Sa studzienia 2019 hoda byŭ namieśnikam staršyni praŭleńnia Biełarusbanka.
Z sakavika 2021 h. — staršynia praŭleńnia Banka raźvićcia.
Pryznačajučy Jahorava, Łukašenka skazaŭ, što Administracyju čakaje madernizacyja.
Pa słovach Łukašenki, pytańni, źviazanyja z analizam i kantrolem, u tym liku za vykanańniem daručeńniaŭ, pryniatych pa vynikach narad z členami ŭrada i ekanamistami, časam realizujucca nie ŭ poŭnaj miery. «Tamu, naturalna, patrebna voś takaja surjoznaja prapracoŭka hrupaj śpiecyjalistaŭ, jakaja mahła b bačyć hetyja pracesy», — skazaŭ Łukašenka.
«Toje ž samaje ŭ kadrach, ideałahičnaj pracy i hetak dalej. Heta maje pytańni, viadoma. I tut surjozna budzie ŭsio madernizavana. I ŭvieś hety błok u płanie kantrolu, dzieści i kiravańnia ekanomikaj, i finansy buduć vyviedzienyja na Administracyju», — skazaŭ jon.
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary