Kiraŭnik «Biełaj Rusi» pachvaliŭsia ŭdziełam u Antykałanijalnym forumie ŭ Maskvie: My nie dazvolim Zachadu siabie rabavać
Aleh Ramanaŭ kaža, što Zachadu treba ci admaŭlacca ad madeli kapitalizmu i dobraha žyćcia, ci źniščać Rasiju i brać jaje resursy ŭ svaje ruki.
«Taja madel hramadskaha žyćcia, jakaja skłałasia na Zachadzie, nie moža praciahvacca biez rasijskich resursaŭ. A pakolki Rasija razam ź Biełaruśsiu ŭziali kurs na suvierenizacyju, to, adpaviedna, niama vializnaha abjomu resursaŭ, jaki patrebny dla tannych tavaraŭ, spažyvieckaha ładu žyćcia.
Tamu pytańnie hamletaŭskaje: być ci nie być. Albo jany admaŭlajucca ad hetaj madeli kapitalizmu, spažyviectva, ad dobraha žyćcia, albo źniščajuć Rasiju, biaruć jaje resursy ŭ svaje ruki. Heta nijakaja nie kanśpirałohija, a surovaja proza žyćcia.
Pryhožaje žyćcio, da jakoha jany pryvykli, zabiaśpiečvałasia rabavańniem śvietu», — zajaviŭ u «Kłubie redaktaraŭ» na «Biełaruś 1» staršynia partyi «Biełaja Ruś» i deputat Pałaty pradstaŭnikoŭ Aleh Ramanaŭ.
Ramanaŭ niadaŭna braŭ udzieł u Antykałanijalnym forumie ŭ Maskvie i padzialiŭsia svaimi ŭražańniami.
«Ahulny pafas, ahulnaja dumka forumu — my nie dazvolim siabie rabavać. A Zachad usimi siłami nakiravany na toje, kab praciahvać rabić heta».
Čytajcie taksama:
Stała viadoma, kolki ciapier členaŭ u «Biełaj Rusi»
110 deputataŭ, jakija trapiać u parłamient-2024, — praviercie śpis paśla vybaraŭ
«Pavinny stajać pobač z Łukašenkam». Hajdukievič vykazaŭsia pra rolu kišennych partyj
Ciapier čytajuć
Na Alaksandru Hierasimieniu napali ŭ centry Varšavy23
Kamientary