Navukoŭcy ŭpieršyniu za 200 hadoŭ zaŭvažyli ŭ zachodniaj častcy Atłantyčnaha akijana šeraha kita
Amierykanskija navukoŭcy z akvaryuma Novaj Anhlii (NEAQ) u Bostanie zajavili pra nadzvyčaj redki vypadak — źjaŭleńnie šeraha kita kala Atłantyčnaha ŭźbiarežža Paŭnočnaj Amieryki. Šeryja kity ličylisia vymierłymi ŭ Atłantyčnym akijanie bolš za 200 hadoŭ tamu, paviedamlajecca na aficyjnym sajcie NEAQ.
Pa słovach śpiecyjalistaŭ NEAQ, kita zaŭvažyli padčas pavietranaj zdymki za 48 kiłamietraŭ ad uźbiarežža štata Masačusets. Daśledčyki sfatahrafavali žyviolinu 1 sakavika, kali jana źjaviłasia na pavierchni akijana.
Spačatku, pa ich słovach, jany pastavilisia da hetaha skieptyčna, ale paśla 45-chvilinnaha kruhavoha ahladu im udałosia zrabić fatahrafii, jakija paćvierdzili, što heta sapraŭdy šery kit.
«Ja nie chacieła havaryć usłych, tamu što heta zdavałasia varjactvam», — skazała Arła O'Brajen, małodšy navukovy supracoŭnik Centra akijaničnaha žyćcia Andersana Kebota pry akvaryumie Novaj Anhlii.
«My śmiajalisia ad taho, nakolki heta dzika i zachaplalna — ubačyć žyviolinu, jakaja źnikła ŭ Atłantycy sotni hadoŭ tamu!», — havoryć inšy daśledčyk.
Hety kit, vaha jakoha moža dasiahać 27 215 kiłahramaŭ, zvyčajna žyvie ŭ paŭnočnaj častcy Cichaha akijana. Mahčyma, heta asobina znachodziłasia ŭ vodach Atłantyki ciaham niekalkich miesiacaŭ, bo navukoŭcy miarkujuć, što hetaha kita zaŭvažyli la ŭźbiarežža Fłarydy jašče ŭ śniežni.
Apošni raz šeraha kita nazirali ŭ zachodniaj častcy Atłantyčnaha akijana ŭ XVIII stahodździ. Ekśpiertam niezrazumieła, čamu kit dabraŭsia tak daloka ad svajho zvyčajnaha miescažycharstva, ale jany miarkujuć, što častkova na heta mahło paŭpłyvać źmianieńnie klimatu.
Šeryja kity — adnyja z najbujniejšych žyvioł na ziamli. Jany dasiahajuć daŭžyni ŭ 15 mietraŭ i važać bolš za 41 tonu.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy1
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?99
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?9
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2929
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama29
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2828
Kamientary